ఫేస్‍బుక్‍ కొత్త టూల్…వ్యాక్సిన్ సెంటర్ ను

ఫేస్‍బుక్‍ నుంచి కొత్త టూల్‍ను తీసుకొస్తోంది. వ్యాక్సిన్‍ ఫైండర్‍ టూల్‍ను లాంచ్‍ చేస్తున్నట్లు ఫేస్‍బుక్‍ ప్రకటించింది. వ్యాక్సిన్‍ తీసుకోవాలని అనుకునే వాళ్లు తమ దగ్గరలోని వ్యాక్సిన్‍ సెంటర్లను ఈ టూల్‍ ఉపయోగించి కనుక్కోవచ్చు. మొబైల్‍ యాప్‍లో ఈ టూల్‍ అందుబాటులోకి రానున్నట్లు తెలిపింది. కేంద్ర ఆరోగ్య శాఖ అందించిన వివరాల ఆధారంగా వ్యాక్సినేషన్‍ సెంటర్ల లొకేషన్లు, అవి పనిచేసే వేళలను ఈ ఫేస్‍బుక్‍ టూల్‍ వెతికి పెడుతుంది. ఇదే టూల్‍లో కొవిన్‍ పోర్టల్‍ లింకు కూడా ఉంటుంది. దీని ద్వారా నేరుగా పోర్టల్‍లోకి వెళ్లి వ్యాక్సినేషన్‍ అపాయింట్‍మెంట్‍ బుక్‍ చేసుకోవచ్చు.  

ఈ టూల్‍ ఫేస్‍బుక్‍లోని కొవిడ్‍ 19 ఇన్ఫర్మేషన్‍ సెంటర్‍లో అందుబాటులో ఉంటుంది. కొవిడ్‍ 19 వ్యాక్సినేషన్‍ పక్రియ సాధ్యమైనంత ఎక్కువ మంది భారతీయుల దగ్గరికి తీసుకెళ్లడానికి తాము ఎన్జీవోలు, ఐక్యరాజ్యసమితి ఏజెన్సీలకు మద్దతిస్తున్నట్లు ఫేస్‍బుక్‍ చెప్పింది. ఈ టూల్‍ను భారత ప్రభుత్వ భాగస్వామ్యంతో రూపొందించామని, మొత్తం దేశంలోని 17 స్థానిక భాషల్లో అందుబాటులో ఉంటుందని చెప్పింది.