రష్యాలో కరోనా విశ్వరూపం .. ఒక్క రోజులోనే

రష్యాలో కరోనా మహమ్మారి విశ్వరూపం కొనసాగుతోంది. వైరస్‌ వేగంగా వ్యాప్తి చెందుతోంది. ఒక్కరోజే  40,096 పాజిటివ్‌ కేసులు నమోదు కాగా, 1,159 మంది కరోనాకు బలయ్యారు. రాజధాని మాస్కోలో నాన్‌ వర్కింగ్‌ పీరియడ్‌ ప్రారంభమయ్యింది. రష్యాలో కరోనాతో ఇప్పటిదాకా 2,35,057 మంది మృతి చెందారు. ఒక వైపు కరోనా వ్యాప్తి పెరుగుతున్నా మరోవైపు జనం  నిర్లక్ష్యం వీడడం లేదు. రష్యా నుంచి ఈజిప్టు, టర్కీకి ప్యాకేజీ టూర్ల సంఖ్య భారీగా పెరిగింది. రష్యాలో 14.6 కోట్ల జనాభా ఉండగా, ఇప్పటిదాకా 4.9 కోట్ల మంది మాత్రమే టీకా రెండు డోసులు తీసుకున్నారు.