Krishna Prasad Sompally: ప్రతి భారతీయుడు దేశ ప్రతిష్టను కాపాడుతూ, అంబాసిడర్ లా ప్రవర్తిస్తే..

దీని వలన భారతీయత మరింత వెలుగొందుతుంది. ఎన్నో విలువలతో కూడిన సంప్రదాయాలు, సంస్కృతి వున్న నాగరికత గా, ప్రపంచ దేశాలలో పేరు తెచ్చుకొన్న భారతీయతను, కాపాడటమే కాకుండా, ఆ సంతతికి చెందినందుకు గర్వపడేలా, మన ప్రవర్తన ఆ దేశానికి వన్నె తెచ్చే లా వుండి తీరాలి..!
మనకంటే ముందు ఈ దేశానికి, వలసవచ్చిన మనవారు, మన భారతీయతను, మన దేశ ప్రతిష్టను ఇనుమడింప చేసిన మాట వాస్తవం. ఇపుడు ఇది, మన బాధ్యత..!

మనమంతా గుర్తుంచుకోవలసిన అంశాలు:
* అమెరికా చట్టాన్ని ఎట్టి పరిస్థితుల్లోనూ ఉల్లంఘించరాదు.
* ట్రాఫిక్ నియమాలు నుండి వీసా నిబంధనల వరకు అన్ని నియమాలను ఖచ్చితంగా పాటించాలి.
* అనుచిత ప్రవర్తన, మద్యపానం తరువాత వాహనం నడపడం, హింసాత్మక ప్రవర్తన వంటివి పూర్తిగా నివారించాలి.
* మన ప్రవర్తన ద్వారా భారతదేశం గర్వించేవిధంగా ఉండాలి.
* పాలు, అభిషేకాలు, ర్యాలీలు వంటివి చేయడం మంచిది కాదు.

“అమెరికా చట్టం ముందు అందరూ సమానమే. భారతీయులుగా మన కర్తవ్యం – భారత గౌరవాన్ని నిలబెట్టడం. మన దేశం మీద ముద్ర పడేలా కాకుండా, మన ప్రవర్తన ద్వారా ప్రపంచం భారతదేశాన్ని గర్వంగా చూడేలా చేసుకుందాం.”

Krishna Prasad Sompally, TANA International coordinator,
American School Committee Member

Click here for Photogallery