జూన్ 27న టెక్సాస్‌లో DARA 5K వాక్/రన్ ఫండ్ రైజర్

DARA: డల్లాస్ ఏరియా రాయలసీమ అసోసియేషన్ (DARA ) స్వచ్ఛంద సంస్థ ఆధ్వర్యంలో సమాజ సేవ , నిధుల సేకరణే ధ్యేయంగా టెక్సాస్‌లోని ఫ్రిస్కో నగరంలో ఒక ప్రత్యేక కార్యక్రమాన్ని నిర్వహించనున్నారు. 2026 జూన్ 27వ తేదీ శనివారం ఉదయం 8:00 గంటలకు ఫ్రిస్కోలోని ‘వారెన్ స్పోర్ట్స్ కాంప్లెక్స్’ (Warren Sports Complex, 7599 Eldorado Pkwy, Frisco, TX 75034) వేదికగా ఈ మెగా ‘5K వాక్/రన్ ఫండ్ రైజర్’ (5K Walk/Run Fund Raiser Event) ఈవెంట్ ప్రారంభం కానుంది. ఈ కార్యక్రమం కోసం ఉదయం 7:30 గంటల నుంచే చెక్-ఇన్ ప్రక్రియ ప్రారంభమవుతుంది.

ఈ పరుగు , నడక ద్వారా సేకరించిన నిధులను (Proceeds) ఆంధ్రప్రదేశ్‌లోని రాయలసీమ ప్రాంతంలో ఉన్న అనాథ శరణాలయాలు (Orphanages) , వృద్ధాశ్రమాలకు (Old Age Homes) విరాళంగా అందించనున్నట్లు నిర్వాహకులు ప్రకటించారు.

ఉచిత మెగా హెల్త్ క్యాంప్ (Free Health Camp):
ఈవెంట్‌లో భాగంగా అదే రోజు (జూన్ 27) ఉదయం 9:00 గంటల నుండి మధ్యాహ్నం 12:00 గంటల వరకు ‘ప్యాషన్ హెల్త్ ప్రైమరీ కేర్’ (Passion Health Primary Care) సౌజన్యంతో ఉచిత వైద్య శిబిరాన్ని నిర్వహించనున్నారు. గుండె జబ్బులపై అవగాహన కల్పించడంతో పాటు, ఈ శిబిరంలో ముఖ్యంగా BMI, BP, ECG, , HbA1c వంటి వైద్య పరీక్షలను పూర్తిగా ఉచితంగా చేయనున్నారు. మహిళల కోసం ప్రత్యేకంగా లేడీ డాక్టర్లు (Female Physicians) కూడా అందుబాటులో ఉంటారు.

ఈ కార్యక్రమాన్ని దారా (DARA) ప్రెసిడెంట్ వీర శివారెడ్డి లేవక, ప్రెసిడెంట్ ఎలెక్ట్ గౌతమ్ కాసిరెడ్డి, సెక్రటరీ మహేంద్ర పద్మరాజు, ట్రెజరర్ శ్రీని అన్నారెడ్డి, , ఎగ్జిక్యూటివ్, అడ్వైజరీ కమిటీ సభ్యులు పర్యవేక్షిస్తున్నారు. ఈ మంచి మంచి ఆశయం  (Cause) కోసం నిర్వహిస్తున్న ఈవెంట్‌లో పాల్గొనదలచిన వారు (https://bit.ly/DARA-2026-5KWALK) లింక్ ద్వారా లేదా పోస్టర్‌లోని క్యూఆర్ (QR) కోడ్‌ను స్కాన్ చేసి తమ పేర్లను నమోదు చేసుకోవచ్చని, మరిన్ని వివరాలకు www.daraus.org వెబ్‌సైట్‌ను సందర్శించాలని కోరారు.