ఆర్ ఆర్ ఆర్ డేట్ కారణంగా సంక్రాంతి సినిమాల రిలీజ్ డేట్స్ కన్ఫ్యూజన్!
- Published By: techteam
- September 28, 2021 / 09:02 PM IST
ఆర్ఆర్ఆర్ రిలీజ్ విషయంలో మేకర్స్ ఓ నిర్ణయానికి వచ్చి సినిమాను వచ్చే ఏడాది సంక్రాంతికి ప్లాన్ చేసుకున్నారట. అయితే అదే జరిగితే, వచ్చే ఏడాది సంక్రాంతికి రెడీ అయిన పవన్, మహేశ్ ల మూవీస్ రిలీజ్ల విషయంలో డౌట్ నెలకొంది. యంగ్ టైగర్ ఎన్టీఆర్, మెగాపవర్స్టార్ రామ్చరణ్ హీరోలుగా దర్శకధీరుడు రాజమౌళి దర్శకత్వంలో రూపొందుతోన్న మోస్ట్ అవెయిటెడ్ మూవీ ‘ఆర్ఆర్ఆర్’ మూవీ . పాన్ ఇండియా రేంజ్లో ఈ సినిమా విడుదల కోసం అందరూ ఆసక్తిగా ఎదురుచూస్తున్నారు. బాహుబలి తర్వాత రాజమౌళి చేస్తున్న చిత్రం కావడంతో అందరూ ఆసక్తిగా ఎదురుచూస్తున్నారు. ఈ సినిమా రిలీజ్ డేట్పై వాయిదాల మీద వాయిదాలు పడుతుంది.
ఈ ఏడాది దసరా సందర్భంగా అక్టోబర్ 13న విడుదల చేస్తామని నిర్మాతలు ప్రకటించినా ప్రస్తుత పరిస్థితుల్లో సినిమా వాయిదా పడుతుందని, వచ్చే ఏడాది సినిమా విడుదలవుతుందని వార్తలు వినిపిస్తూ వచ్చాయి. ఈ క్రమంలో సినీ వర్గాల తాజా సమాచారం మేరకు, ట్రిపుల్ ఆర్ మూవీని వచ్చే ఏడాది సంక్రాంతికి విడుదల చేయబోతున్నారు అని తెలుస్తోంది. జనవరి 12న ఆర్ఆర్ఆర్ విడుదలయ్యే అవకాశం ఉందని, దీనికి సంబంధించిన అధికారిక ప్రకటన కూడా వెలువడే అవకాశం ఉందని వార్తలు వినపడుతున్నాయి. అయితే రిలీజ్ డేట్ను అనౌన్స్ చేస్తే సినీ ఇండస్ట్రీలో మిగతా అగ్ర హీరోలకు కొత్త తలనొప్పి క్రియేట్ అయ్యే అవకాశం ఉందని అంటున్నారు.
అందుకు కారణం.. ట్రిపుల్ ఆర్ను దసరాకు విడుదల చేస్తామని చెప్పిన తర్వాతే పవన్కళ్యాణ్ తన భీమ్లా నాయక్ సినిమాను జనవరి 12న.. మహేశ్ తన సర్కారు వారిపాట చిత్రాన్ని జనవరి 13న విడుదల చేయబోతున్నట్లు ప్రకటించారు. షూటింగ్స్ ప్లానింగ్ ప్రకారం పూర్తి చేసుకుంటూ వస్తున్నారు. కానీ ఇప్పుడు మరోసారి ట్రిపుల్ ఆర్ రిలీజ్ డేట్ను వాయిదా వేయడమే కాకుండా వచ్చే ఏడాది సంక్రాంతికి విడుదల చేయాలనుకుంటే., పవన్, మహేష్ తమ సినిమా రిలీజ్ డేట్స్ సందిగ్ధం ఏర్పడినట్లే. ట్రిపుల్ ఆర్ రిలీజ్ డేట్ మారితే టాలీవుడ్ బాక్సాఫీస్ దగ్గర కొత్త కన్ఫ్యూజన్ క్రియేట్ కావడం పక్కా. మరి పవన్, మహేష్ వారి సినిమాలను పోస్ట్ పోన్ చేసుకుంటారా? లేక ఆర్ఆర్ఆర్ విడుదలను వేసవిలోకి తీసుకెళతారా? అనేది తెలియాలంటే అధికారిక ప్రకటన వచ్చే వరకు వేచి చూడాల్సిందే.
