Pawan Kalyan: సినిమా ప్ర‌మోష‌న్స్ కు ప‌వ‌న్ వ‌స్తాడా?

టాలీవుడ్ ప‌వ‌ర్ స్టార్ ప‌వ‌న్ క‌ళ్యాణ్(Pawan Kalyan) ఓ వైపు రాజ‌కీయ నాయ‌కుడిగా ఎంతో బిజీగా ఉంటూనే మ‌రోవైపు తాను క‌మిట్ అయిన సినిమాల‌ను పూర్తి చేసే ప‌నిలో బిజీగా ఉన్నాడు. గ‌తంలో ఎప్పుడో ఒప్పుకున్న హ‌రిహ‌ర వీర‌మ‌ల్లు(Hari Hara Veera Mallu) సినిమాను రీసెంట్ గానే పూర్తి చేశాడు ప‌వ‌న్. షూటింగ్ పూర్తి చేసుకున్న ఈ సినిమా ప్ర‌స్తుతం పోస్ట్ ప్రొడ‌క్ష‌న్ వ‌ర్క్స్ జరుపుకుంటుంది.

హ‌రిహ‌ర వీర‌మ‌ల్లు సినిమా జూన్ 12న ప్రేక్ష‌కుల ముందుకు రానుంది. రిలీజ్ ద‌గ్గ‌ర ప‌డుతున్న నేప‌థ్యంలో చిత్ర యూనిట్ ప్ర‌మోష‌న్స్ ను వేగ‌వంతం చేసింది. ప్ర‌మోష‌న్స్ లో భాగంగానే రీసెంట్ గా సినిమాలోని మూడో పాట అసుర హ‌న‌నం(Asura Hananam) ను లిరిక‌ల్ వీడియోను రిలీజ్ చేసిన చిత్ర యూనిట్ ఆ సాంగ్ తో సినిమాపై అంచ‌నాలను పెంచారు. ఈ రెండు వారాలు సినిమాను నెక్ట్స్ లెవెల్ లో ప్ర‌మోట్ చేయాల‌ని మేక‌ర్స్ ప్లాన్ చేస్తున్నార‌ట‌.

అయితే ఈ ప్ర‌మోష‌న్స్ కు ప‌వ‌న్ క‌ళ్యాణ్ వ‌స్తాడా లేడా అన్న‌ది ఇప్పుడు ప్ర‌శ్న‌గా మారింది. ఓ ప‌క్క ఓజీ(OG) షూటింగ్ తో పాటూ మ‌రోప‌క్క ఏపీ రాజ‌కీయాల్లో బిజీగా ఉన్న ప‌వ‌న్ వీర‌మ‌ల్లు ప్ర‌మోష‌న్స్ కోసం స‌మ‌యాన్ని కేటాయిస్తాడా లేదా అన్న‌ది ప్ర‌శ్న‌గా మారింది. క‌నీసం ప్రీ రిలీజ్ ఈవెంట్ కు అయినా ప‌వ‌న్ వ‌చ్చి మాట్లాడితే బావుంటుంద‌ని ఆయ‌న ఫ్యాన్స్ అభిప్రాయ‌ప‌డుతున్నారు.