Ustaad Bhagath Singh: ఉస్తాద్ లో ప‌వ‌న్ క్రేజీ స్టెప్పులు

ప‌వ‌ర్ స్టార్ ప‌వ‌న్ క‌ళ్యాణ్(Pawan Kalyan) చేతిలో ప్ర‌స్తుతం రెండు సినిమాలున్నాయి. అందులో ఒక‌టి ఓజి(OG) కాగా, మ‌రోటి ఉస్తాద్ భ‌గ‌త్‌సింగ్(Ustaad Bhagath Singh). ఇప్ప‌టికే ఓజీ షూటింగ్ ను పూర్తి చేసిన ప‌వ‌న్ త్వ‌ర‌లోనే ఉస్తాద్ భ‌గ‌త్‌సింగ్ షూటింగ్ ను కూడా పూర్తి చేయ‌నున్నారు. హ‌రీష్ శంక‌ర్(Harish Sankar) ఈ సినిమాకు ద‌ర్శ‌క‌త్వం వ‌హిస్తుండ‌గా మైత్రీ మూవీ మేక‌ర్స్(Mythri Movie Makers) ఈ సినిమాను భారీ బ‌డ్జెట్ తో నిర్మిస్తోంది.

శ్రీలీల‌(Sree Leela), రాశీ ఖ‌న్నా(Raashi Khanna) హీరోయిన్లుగా న‌టిస్తున్న ఈ సినిమా షూటింగ్ శ‌ర‌వేగంగా జ‌రుగుతుంది. ఆల్రెడీ ఉస్తాద్ భగ‌త్‌సింగ్ పై మంచి అంచ‌నాలున్నాయి. ఆల్రెడీ ప‌వ‌న్- హ‌రీష్ కాంబినేష‌న్ లో గ‌బ్బ‌ర్ సింగ్ వ‌చ్చి అది బ్లాక్ బ‌స్ట‌ర్ అవ‌డంతో ఈ కాంబినేష‌న్ పై భారీ హైప్ నెల‌కొంది. రీసెంట్ గా ఈ సినిమాకు సంబంధించిన క్లైమాక్స్ ను పూర్తి చేసిన మేక‌ర్స్ ఇప్పుడు ఓ క్రేజీ సాంగ్ ను షూట్ చేస్తున్న‌ట్టు తెలుస్తోంది.

టాలీవుడ్ లోని ప్ర‌ముఖులు కొంద‌రు ఈ స్పెష‌ల్ సాంగ్ ప‌వ‌న్ కెరీర్లోనే మ‌రింత స్పెష‌ల్ అని అంటున్నారు. ఈ సాంగ్ ప‌వన్ ఫ్యాన్స్ కు సెల‌బ్రేష‌న్ లా ఉంటుంద‌ని, దేవీ శ్రీ ప్రసాద్(Devi Sri Prasad) ఈ సాంగ్ ను నెక్ట్స్ లెవెల్ లో కంపోజ్ చేయ‌గా, ప‌వ‌న్ కూడా దానికి త‌గ్గ‌ట్టే స్టెప్పులేశార‌ని యూనిట్ స‌భ్యులు చెప్తున్నారు. ఇదంతా చూస్తుంటే హ‌రీష్ శంక‌ర్ ఏదో గ‌ట్టిగానే ప్లాన్ చేశాడ‌ని అర్థ‌మ‌వుతుంది.