ప్రేక్షకాదరణ పొందుతున్న జీ తెలుగు కొత్త సీరియల్స్​ నిండు నూరేళ్ల సావాసం, జగద్దాత్రి

తెలుగు బుల్లితెరపై ఆకట్టుకునే సీరియల్స్​తో సక్సెస్​ఫుల్​గా దూసుకుపోతున్న ఛానల్​ జీ తెలుగు. త్రినయని, ప్రేమ ఎంత మధురం, పడమటి సంధ్య రాగం సీరియల్స్​ ప్రేక్షకుల ఆదారణపొందుతున్నాయి. ఇక, ఇటీవలే జీ తెలుగు ప్రారంభించిన నిండు నూరేళ్ల సావాసం, జగద్ధాత్రి సీరియల్స్​ అంచనాలను మించి ప్రేక్షకులకు చేరువయ్యాయి.

ఈ సందర్భంగా నిండు నూరేళ్ల సావాసం నటీనటులు ప్రేక్షకులతో కలిసి సిద్ధిపేటలో శ్రావణమాసం వరలక్ష్మీ వత్రాన్ని కూడా నిర్వహించారు. ఇక జగద్ధాత్రి సీరియల్​కి అయితే ఏకంగా భారీ కటౌట్​లే వెలిశాయి. ఖమ్మంలో జగద్ధాత్రి 40 అడుగుల భారీ కటౌట్​ని ఏర్పాటు చేశారు. ఈ భారీ కటౌట్​కి అభిమానుల నుంచి విశేష స్పందన లభిస్తోంది.

ఓ ఆర్మీ​ మేజర్ కుటుంబ కథతో సాగుతున్న సీరియల్​ నిండు నూరేళ్ల సావాసం. ప్రేమ, ఆప్యాయత మధ్య సాగే ఈ సీరియల్​ రోజురోజుకీ ఆసక్తికర మలుపులతో ప్రేక్షకులను విపరీతంగా ఆకట్టుకుంటోంది. ఈ సీరియల్లో అమర్​, అరుంధతి, భాగమతి ప్రధాన పాత్రలు కాగా మనోహరి విలన్​గా అదరగొడుతోంది. అరుంధతి చనిపోవడం, అమర్​ జీవితంలోకి రావాలని మనోహరి ప్రయత్నం, భాగమతి జీవితంలోకి అమర్ రావడంతో ఈ సీరియల్​ చాలా ఆసక్తికరంగా సాగుతోంది. ఆత్మగా మారిన అరుంధతికి తన చావు వెనక ఉన్న నిజం తెలిసిపోతుందా? భాగమతిని పిల్లలు తల్లి స్థానంలో అంగీకరిస్తారా? అమర్​ని దక్కించుకోవడానికి మనోహరి ఎలాంటి ప్రయత్నాలు చేయబోతోంది? అనే విషయాలు తెలుసుకోవాలంటే సోమవారం నుంచి శనివారం వరకు ప్రతిరోజు రాత్రి 7 గంటలకు ప్రసారమయ్యే నిండు నూరేళ్ల సావాసం సీరియల్​ చూడాల్సిందే!   

ఇక  ఆగస్టు 21న ప్రారంభమైన జగద్దాత్రి సీరియల్​ ప్రేక్షకుల నుంచి అనూహ్య స్పందన అందుకుంటోంది. ప్రోమో, టైటిల్​ సాంగ్​ విడుదల చేసినప్పటి నుంచే ఈ సీరియల్​ కోసం ఆసక్తిగా ఎదురు చూశారు అభిమానులు. అన్నపూర్ణలా చల్లని దీవెనలు అందించే ఆ ఆదిపరాశక్తి పాపాత్ముల పాలిట అపరకాళిలా మారుతుందో మనందరికీ తెలుసు. ఈ సీరియల్​లోనూ జగద్ధాత్రి తన వాళ్ల పట్ల ప్రేమగా మసులుతూ అమాయకంగా సాధారణ అమ్మాయిగా బతుకుతూనే జగద్ధాత్రి(JD) ఐపీఎస్​గా ​నేరస్థుల అంతుచూస్తుంది. ధాత్రి వృత్తిగత జీవితంలో అడుగడుగునా తోడుంటాడు కేదార్​. కానీ కేదార్​ తండ్రి ఎవరో తెలియకపోవడంతో చాలా అవమానాలు ఎదుర్కొంటాడు. మరోవైపు కౌశికి తన కుటుంబంలో జరుగుతున్న కుట్రలను కనిపెట్టలేక అందరినీ నమ్ముతూ ఉంటుంది. కేదార్​ తండ్రి ఎవరు? జగద్దాత్రి జీవితంలో ఎలాంటి అవరోధాలను ఎదుర్కోబోతోంది? కౌశికి కుటుంబ సభ్యుల అసలు స్వరూపాన్ని తెలుసుకుంటుందా? వంటి విషయాలు తెలియాలంటే సోమవారం నుంచి శనివారం వరకు ప్రతిరోజు రాత్రి 7:30 గంటలకు ప్రసారమయ్యే జగద్దాత్రి సీరియల్​ తప్పకుండా చూడాల్సిందే!