రంగ‌స్థ‌లంకు నాలుగు రోజుల్లోనే మ్యూజిక్!

మెగా పవర్‌స్టార్ రామ్ చ‌ర‌ణ్‌(Ram Charan) హీరోగా తెరకెక్కిన భారీ సినిమా పెద్ది(peddi) గురించి ఇండస్ట్రీ వర్గాల్లో భారీ చర్చ నడుస్తుండగా, పలువురు సినీ ప్రముఖులు ఇది రంగస్థలం(rangasthalam) స్థాయి స‌క్సెస్ ను దాటే సినిమా అవుతుందని నమ్మకం వ్యక్తం చేస్తున్నారు. ఈ నేపథ్యంలో మ్యూజిక్ డైరెక్ట‌ర్ దేవీ శ్రీ ప్ర‌సాద్(Devi Sri Prasad) తాజాగా వెల్లడించిన ఒక ఆసక్తికర విషయం ఇప్పుడు అభిమానుల్లో కొత్త హైప్‌ను తీసుకొచ్చింది. రంగస్థలం సంగీత ప్రయాణం గురించి మాట్లాడిన డీఎస్పీ(DSP), ఆ సినిమా ఆల్బమ్‌లోని దాదాపు అన్ని పాటలను కేవలం నాలుగు రోజుల్లోనే కంపోజ్ చేశానని చెప్పడం విశేషంగా మారింది.

సాధారణంగా స్టార్ హీరోల సినిమాలకు మ్యూజిక్ రెడీ చేయ‌డానికి నెలల సమయం తీసుకునే ఈ కాలంలో, రంగస్థలం లాంటి క్లాసిక్ ఆల్బమ్ అంత తక్కువ టైమ్ లో రూపుదిద్దుకోవడం అభిమానులను ఆశ్చర్యానికి గురి చేస్తోంది. ముఖ్యంగా ప్రతి పాట కూడా అప్పట్లో సెన్సేషన్‌గా నిలవడం, సినిమా స‌క్సెస్‌లో మ్యూజిక్ కీలక పాత్ర పోషించడం తెలిసిందే. అయితే జిగేలు రాణి(jigelu rani) సాంగ్ మాత్రం ప్రత్యేకంగా కొంత సమయం తీసుకుని కంపోజ్ చేశానని దేవీ శ్రీ చెప్పడం ఇప్పుడు సోషల్ మీడియాలో వైరల్ అవుతోంది. దీంతో మరోసారి ఆ సినిమా మ్యూజిక్ మ్యాజిక్ గురించి చర్చ మొదలైంది.

ఇక డైరెక్ట‌ర్ సుకుమార్(Sukumar)- దేవీ శ్రీ ప్ర‌సాద్(DSP) కాంబినేషన్ గురించి కూడా ఇండస్ట్రీలో ఆసక్తికర చర్చ సాగుతోంది. ఎన్నో బ్లాక్‌బస్టర్‌లకు కలిసి పని చేసిన ఈ జోడీ, మరోసారి రామ్ చ‌ర‌ణ్ తో కలిసి పనిచేస్తారా లేదా అన్నదానిపై అభిమానులు ఆసక్తిగా ఎదురుచూస్తున్నారు. అయితే సుకుమార్ తదుపరి ప్రాజెక్ట్‌కు కొత్త మ్యూజిక్ డైరెక్ట‌ర్ ను తీసుకురానున్నారనే ప్రచారం కూడా వినిపిస్తోంది. ఈ వార్తల్లో ఎంతవరకు నిజం ఉందో తెలియాల్సి ఉన్నా, చరణ్- దేవీ కాంబో మళ్లీ రిపీట్ అయితే మాత్రం అభిమానులకు మరో సంగీత సంబరమే అన్న అభిప్రాయం వ్యక్తమవుతోంది.