జూన్ 6న తానా అప్పలాచియాన్ పికల్బాల్ టోర్నమెంట్
- Published By: Vishal
- May 24, 2026 / 01:19 PM IST
అమెరికాలోని ప్రవాస తెలుగువారి అతిపెద్ద స్వచ్ఛంద సంస్థ ‘ఉత్తర అమెరికా తెలుగు సంఘము’ (TANA) క్రీడా విభాగం ఆధ్వర్యంలో కరొలినా పరిసర ప్రాంతాల తెలుగు క్రీడాకారుల కోసం “తానా అప్పలాచియాన్ పికల్బాల్ టోర్నమెంట్ 2026” (TANA Appalachian Pickleball Tournament 2026) పోటీలను అత్యంత ప్రతిష్టాత్మకంగా నిర్వహించనున్నారు. సమాజంలో క్రీడా స్ఫూర్తిని, ఐక్యతను పెంపొందించే లక్ష్యంతో నిర్వహిస్తున్న ఈ ఉత్సాహభరితమైన క్రీడా ఉత్సవం 2026 జూన్ 6వ తేదీ శనివారం నాడు జరగనుంది.
టోర్నమెంట్ ప్రధాన వివరాలు:
తేదీ: జూన్ 6, 2026 (శనివారం)
సమయం: ఉదయం 9:00 గంటల నుండి సాయంత్రం 4:00 గంటల వరకు (EST)
వేదిక: కరొలినా పికల్బాల్ క్లబ్ – కన్నాపోలిస్ (Carolina Pickleball Club – Kannapolis), 724 చిపోలా స్ట్రీట్, కన్నాపోలిస్, ఉత్తర కరొలినా (NC 28083), అమెరికా.
పోటీల విభాగాలు:
ఈ టోర్నమెంట్లో జట్ల భాగస్వామ్యాన్ని మరింత సమర్థవంతంగా ఉంచేందుకు కంబైన్డ్ టీమ్ డీయూపీఆర్ (Combined team DUPR) రేటింగ్స్ ఆధారంగా కింది విభాగాలను ఏర్పాటు చేశారు:
బిగినర్ (Beginner): టీమ్ DUPR < 6.5
ఇంటర్మీడియట్ (Intermediate): టీమ్ DUPR 6.5 – 7.99
అడ్వాన్స్డ్ (Advanced): టీమ్ DUPR ≥ 8.0
ఉమెన్స్ డబుల్స్ (Women’s”>Doubles): మహిళల కోసం ప్రత్యేక విభాగం
నగదు బహుమతులు, ఫీజు వివరాలు…
టోర్నమెంట్లో పాల్గొనదలచే క్రీడాకారుల బృందాలు తమ పేర్లను నమోదు చేసుకోవడానికి ఒక్కో జట్టుకు (Per Team) రిజిస్ట్రేషన్ ఫీజుగా 50 డాలర్లుగా నిర్ణయించారు. ఈ పోటీలలో అత్యుత్తమ ప్రతిభ కనబరిచి విజేతలుగా నిలిచే జట్లకు ఆకర్షణీయమైన నగదు బహుమతులను (Cash Prizes will be awarded to the winners) అందజేయనున్నారు.
ఆసక్తి గల జట్లు అధికారిక ఆన్లైన్ లింక్ events.tana.org/event/appalachian-pickleball/registration ద్వారా లేదా బ్రోషర్పై ఉన్న క్యూఆర్ (QR) కోడ్ను స్కాన్ చేయడం ద్వారా తమ రిజిస్ట్రేషన్ను సులభంగా పూర్తి చేసుకోవచ్చు.
ఈ ప్రతిష్టాత్మక క్రీడా ఈవెంట్ను తానా అధ్యక్షుడు డాక్టర్ నరేన్ కొడాలి, ఈవీపీ లావు శ్రీనివాస్, తానా అప్పలాచియాన్ ఆర్ఆర్ రవి (నాని) వడ్లమూడి ల పర్యవేక్షణలో.. తానా స్పోర్ట్స్ కోఆర్డినేటర్ శివ చావ, స్పెషల్ ప్రాజెక్ట్స్ కోఆర్డినేటర్ నాగ పంచమర్తి, అప్పలాచియాన్ స్పోర్ట్స్ చైర్ దినేష్, టీమ్ స్క్వేర్ చైర్ కిరణ్ కొత్తపల్లి, ఫౌండేషన్ ట్రస్టీలు ఠాగూర్ మల్లినేని, చందు గొర్రెపాటి, ఈవెంట్ కోఆర్డినేటర్లు తారక్, కార్తీక్ హెల్త్ సర్వీసెస్ కోఆర్డినేటర్ మాధురి యలూరిలతో కూడిన తానా లీడర్షిప్ బృందం ప్రతిష్టాత్మకంగా నిర్వహిస్తోంది. ఉత్తర కరొలినా పరిసర ప్రాంతాల్లోని క్రీడాకారులు పెద్ద సంఖ్యలో పాల్గొని ఈ టోర్నమెంట్ను విజయవంతం చేయాలని కోరారు.
