30 నిమిషాల్లో రోడ్‌సైడ్ సహాయం అందించే వినూత్న హామీ – ‘సర్వీస్ అష్యూర్’ అనే కొత్త సేవను అందుబాటులోకి తీసుకొచ్చిన ఐసిఐసిఐ లొంబార్డ్

· ఐసిఐసిఐ లొంబార్డ్ సంస్థ తన ‘సర్వీస్ అష్యూర్’ విధానాన్ని కేవలం క్లెయిమ్ సేవలకే పరిమితం చేయకుండా, ఇప్పుడు రోడ్‌సైడ్ వాహన బ్రేక్‌డౌన్ సేవల వరకూ విస్తరించింది.

· ప్రస్తుతం ఎనిమిది మెట్రో నగరాల్లో 30 నిమిషాల్లో సహాయం అందించే సేవను అందిస్తోంది.

ముంబై, మే 22 : భారతదేశంలోని ప్రముఖ ప్రైవేట్ జనరల్ ఇన్సూరెన్స్ సంస్థల్లో ఒకటైన ఐసిఐసిఐ లొంబార్డ్, ఈరోజు తన ‘ఐఎల్ స్మార్ట్ అసిస్ట్’ (రోడ్‌సైడ్ అసిస్టెన్స్) సేవలో భాగంగా ‘సర్వీస్ అష్యూర్’ అనే కొత్త హామీ సేవను ప్రారంభించినట్లు ప్రకటించింది. పరిశ్రమలోనే తొలిసారిగా ప్రవేశపెట్టిన రోడ్‌సైడ్ సహాయ హామీలలో ఒకటైన ఈ ‘సర్వీస్ అష్యూర్’ సేవ కింద, వాహనం మార్గమధ్యంలో నిలిచిపోవడం లేదా ప్రమాదానికి గురికావడం జరిగినప్పుడు, ఎనిమిది మెట్రో నగరాల్లోని ప్రైవేట్ కార్ కస్టమర్ల వద్దకు 30 నిమిషాల్లో చేరుకుంటామని సంస్థ హామీ ఇస్తోంది. ఈ ప్రారంభం సంస్థ 25 సంవత్సరాల మైలురాయిని పురస్కరించుకుని చేపట్టబడింది. అలాగే, మోటార్ బీమాను కేవలం ‘క్లెయిమ్ సేవ’ విభాగం నుంచి ‘సేవా హామీ’ విభాగంగా మార్చే దిశగా సంస్థ చేపట్టిన ప్రయాణంలో ఇది తదుపరి ముఖ్యమైన అడుగుగా నిలుస్తోంది.

‘సర్వీస్ అష్యూర్’ సేవ ప్రస్తుతం ముంబై, ఢిల్లీ, బెంగళూరు, చెన్నై, హైదరాబాద్, కోల్‌కతా, పూణె మరియు అహ్మదాబాద్ నగరాల్లో అందుబాటులో ఉంది.

వాహనం మార్గమధ్యంలో నిలిచిపోవడం అనేది కార్ యజమాని ఎదుర్కొనే అత్యంత ఒత్తిడిగల పరిస్థితుల్లో ఒకటి. ముఖ్యంగా సహాయం నిజంగా ఎప్పుడు చేరుకుంటుందో తెలియని అనిశ్చితి ఆ పరిస్థితిని మరింత క్లిష్టంగా మారుస్తుంది. భారతదేశంలో రోడ్‌సైడ్ సహాయ సేవలు ఎన్నో సంవత్సరాలుగా అందుబాటులో ఉన్నప్పటికీ, సేవలు చేరుకునే సమయంపై కస్టమర్లకు స్పష్టమైన హామీలు సాధారణంగా ఇవ్వబడలేదు. అయితే, ‘సర్వీస్ అష్యూర్’ ఈ విధానాన్ని మార్చుతోంది. కస్టమర్ అనుభవంలో భాగంగా, స్పష్టమైన, కొలవగలిగే, కస్టమర్‌కు ప్రత్యక్షంగా అర్థమయ్యే సమయ హామీని కేంద్రంగా ఉంచి ఈ సేవను రూపొందించింది.

కస్టమర్ వాహనం మార్గమధ్యంలో నిలిచిపోవడం లేదా ప్రమాదానికి గురికావడం జరిగితే, వారు కేవలం ఐసిఐసిఐ లొంబార్డ్ టోల్-ఫ్రీ నంబర్ 1800 2666 కు కాల్ చేస్తే సరిపోతుంది. అనంతరం సంస్థ పాలసీని ధృవీకరించి, వాట్సాప్ ద్వారా కస్టమర్ ఖచ్చితమైన స్థానాన్ని నిర్ధారిస్తుంది. అవసరమైతే శిక్షణ పొందిన టెక్నీషియన్‌ను లేదా టోయింగ్ ట్రక్కును నియమిస్తుంది. ఆ సమయంలో కస్టమర్‌కు టెక్నీషియన్ లేదా డ్రైవర్ వివరాలు పంపించబడతాయి మరియు అప్పుడే 30 నిమిషాల ‘సర్వీస్ అష్యూరెన్స్’ సమయ గడువు ప్రారంభమవుతుంది. ఒకవేళ హామీ ఇచ్చిన సమయానికి సేవ ఆలస్యమైతే, కస్టమర్‌కు ధృవీకరణ కాల్‌తో పాటు ముందుగా నిర్వచించిన ప్రత్యేక సేవా ప్రయోజనాలు అందించబడతాయి. వీటిలో క్లెయిమ్స్ నిపుణుడి నుంచి వ్యక్తిగత సహాయం, వాహనం నిలిచిపోవడానికి గల కారణాన్ని గుర్తించేందుకు వాహన తనిఖీ, కస్టమర్ అత్యవసర సహాయ సేవలు, అలాగే ఫస్ట్-ఎయిడ్ కిట్‌ను తిరిగి నింపే సదుపాయం కూడా ఉంటాయి.

‘సర్వీస్ అష్యూర్’ సేవ, ఐసిఐసిఐ లొంబార్డ్ సంస్థ జూన్ 2024లో ప్రారంభించిన ‘స్మార్ట్ సేవర్ ప్లస్’ సేవకు కొనసాగింపుగా వచ్చింది. ఇది పరిశ్రమలోనే తొలిసారిగా ప్రవేశపెట్టిన అదనపు సేవలలో ఒకటి. ఈ పథకం కింద, ఎంపిక చేసిన ప్రాధాన్య భాగస్వామ్య గ్యారేజీలలో ₹50,000 వరకు ఉన్న క్లెయిమ్‌లకు సంబంధించి, వాహన మరమ్మతులను ఐదు రోజుల్లో పూర్తి చేస్తామని సంస్థ హామీ ఇచ్చింది. అలాగే, ఆ ఎంపిక చేసిన ప్రాధాన్య భాగస్వామ్య గ్యారేజీలలో నిర్వహించిన మరమ్మతుల పనితన నాణ్యతపై 24 నెలలు లేదా 10,000 కిలోమీటర్లు, ఇందులో ఏది ముందుగా పూర్తవుతుందో ఆ కాలపరిమితి వరకు హామీ కూడా అందిస్తోంది. ఇప్పుడు ‘ఐఎల్ స్మార్ట్ అసిస్ట్ – సర్వీస్ అష్యూర్’ ద్వారా, మరమ్మతుల సమయంలో ఇచ్చిన ఈ హామీ ఆధారిత విధానాన్ని, వాహనం మార్గమధ్యంలో నిలిచిపోయే క్షణం నుంచే కస్టమర్లకు సహాయం అందించే దశకు విస్తరించింది. ఈ రెండు సేవలు కలిపి చూస్తే, మోటార్ బీమా అనుభవాన్ని ఐసిఐసిఐ లొంబార్డ్ సంస్థ పలు సంవత్సరాల వ్యూహాత్మక మార్పుల ద్వారా ఎలా పునర్నిర్మాణం చేస్తోందో స్పష్టమవుతుంది. అంటే, కేవలం క్లెయిమ్ సేవల స్థాయి నుంచి ‘క్లెయిమ్ హామీ’ దిశగా, ఇప్పుడు కస్టమర్ రోడ్డుపై సహాయం అవసరమైన క్షణం నుంచే ప్రారంభమయ్యే ‘హామీ ఆధారిత సేవ’ దిశగా సంస్థ ముందుకు సాగుతోంది.

ఈ ప్రారంభంపై స్పందిస్తూ, శ్రీ గౌరవ్ అరోరా, ఐసిఐసిఐ లొంబార్డ్ చీఫ్ కమర్షియల్ లైన్స్ మరియు మోటార్ (అండర్‌రైటింగ్ మరియు క్లెయిమ్స్) విభాగాధిపతి మాట్లాడుతూ, “ఒకటిన్నర సంవత్సరం క్రితం ‘స్మార్ట్ సేవర్ ప్లస్’ ద్వారా, కస్టమర్ల కార్ల మరమ్మతులకు మేము తీసుకునే సమయంపై ఒక హామీ ఇచ్చాము. ఇప్పుడు ‘సర్వీస్ అష్యూర్’ ద్వారా, అవసరమైన సమయంలో కస్టమర్ల వద్దకు ఎంత వేగంగా చేరుకుంటామనే విషయంపై మరో హామీ ఇస్తున్నాము. ప్రతి అడుగుతో, మోటార్ బీమా అనేది కేవలం ఎంత మొత్తాన్ని చెల్లిస్తుందనే దానితో కాకుండా, ఎంత వేగంగా, ఎంత నమ్మకంగా సేవలను అందిస్తుందనే దానితో కూడా కొలవబడాలి అనే సరళమైన ఆలోచనకు మరింత దగ్గరవుతున్నాము” అని తెలిపారు.

శ్రీ మనీష్ విజ్ – గ్లోబల్ అష్యూర్‌ (సర్వీస్ అష్యూర్‌కు సేవలందించే సంస్థ) వ్యవస్థాపకులు మాట్లాడుతూ, “వాహనం మార్గమధ్యలో నిలిచిపోతే, డ్రైవర్లు గంటల తరబడి ఆందోళనతో, అనిశ్చితిలో, సహాయం కోసం అంతులేని నిరీక్షణలో చిక్కుకుపోతారు. గ్లోబల్ అష్యూర్ లో, రోడ్డుపై ఇరుక్కుపోయినప్పుడు ప్రతి నిమిషం ఎంత ముఖ్యమో మాకు బాగా తెలుసు. అందుకే దేశంలోని అగ్ర 8 నగరాల్లోని ఐసిఐసిఐ లొంబార్డ్ కస్టమర్లకు మా ‘30 నిమిషాల సర్వీస్ హామీ’ సేవను అందించేందుకు వారితో భాగస్వామ్యం కావడం మాకు ఎంతో ఆనందంగా ఉంది. ఐసిఐసిఐ లొంబార్డ్ యొక్క విశ్వసనీయ బీమా రక్షణను, మా వేగవంతమైన రోడ్‌సైడ్ సహాయం మరియు రియల్-టైమ్ ట్రాకింగ్ సేవలతో కలిపి, కస్టమర్లకు సంపూర్ణ మనశ్శాంతిని అందించడంతో పాటు, రోడ్డుపై కలిగే ఆందోళనను వేగవంతమైన, నమ్మకమైన సహాయంగా మలుస్తున్నాము” అని తెలిపారు.