America  :అమెరికా సైనికుల భోజనం నిధులు దారి మళ్లింపు!

అమెరికాలో సైనికుల (soldiers) ఆహారం కోసం కేటాయించిన నిధులను ఇతర అవసరాలకు మళ్లిస్తున్నట్టు  ఆరోపణలు వస్తున్నాయి.  ఆహారం (Food)  కోసం ప్రతి నెలా ఒక్కో సైనికుడి జీతం నుంచి 460 డాలర్లు ( సుమారు రూ.40 వేలు) కోత విధిస్తారు. ఇలా జమ అయిన సొమ్మును భోజనాల కోసమే వినియోగించాల్సి ఉంటుంది. కానీ దానిని ఇతరత్రా మళ్లిస్తున్నట్టు తేలింది. జీతాల నుంచి 225 మిలియన్‌ డాలర్లు ( సుమారు రూ.1,950 కోట్లు) వసూలు చేయగా, అందులో కేవలం 74 మిలియన్‌ డాలర్లు ( సుమారు రూ.640 కోట్లు) మాత్రమే  ఆహారం కోసం ఖర్చు చేశారు. దేశంలోని 11 పెద్ద మిలటరీ బేస్‌ (Military base) ల్లో గత ఏడాది చేసిన వ్యయాలను  పరిశీలిస్తే ఈ విషయం వెల్లడయింది. నిధుల మళ్లింపు కారణంగానే ఫోర్ట్‌ కార్సన్‌, కొలరాడ్లోని (Colorado)  మిలటరీ కేంద్రాల్లో  ఆహార కొరత  ఉందని  వార్తలు కూడా వచ్చాయి.