బైడెన్ అసమర్థతవల్లే ఇదంతా : ట్రంప్

ప్రపంచంలోని కొన్ని ధూర్త దేశాలు అమెరికాకు వ్యతిరేకంగా జట్టుకడుతున్నాయని, ప్రతి ఒక్కరూ అణు దాడులు చేస్తామని హెచ్చరిస్తున్నారని, బైడెన్‌ అసమర్థతవల్లే ఇదంతా జరుగుతోందని అమెరికా మాజీ అధ్యక్షుడు డొనాల్డ్‌ ట్రంప్‌ ధ్వజమెత్తారు. పరిస్థితి ఇలాగే కొనసాగితే మూడో ప్రపంచ అణు యుద్ధం తప్పదని హెచ్చరించారు. తన హయాంలో అణ్వాస్త్రాలపై మాట్లాడేందుకు చాలా దేశాలు భయపడేవని, ఇప్పుడు అందరూ హెచ్చరిస్తున్నారని తెలిపారు. మన ఆర్థిక వ్యవస్థ కుప్పకూలుతోంది. ద్రవ్యోల్బణం నియంత్రణలో లేదు. కరెన్సీ విలువ పడిపోతోంది. చైనాతో రష్యా, ఇరాన్‌తో సౌదీ అరేబియా జతకట్టాయి. చైనా, రష్యా, ఇరాన్‌, ఉత్తర కొరియా జట్టుకట్టి విధ్వంసకర ప్రయాత్నాలు చేస్తున్నాయి. నేను అధ్యక్షుడిగా ఉంటే ఇవన్నీ జరిగేవి కావు.  రష్యా, ఉక్రెయిన్‌  యుద్ధం వచ్చేది కాదు అని పేర్కొన్నారు.