తెలంగాణలో రేపటి నుంచి లాక్‍డౌన్‍

తెలంగాణ ప్రభుత్వం లాక్‍డౌన్‍పై కీలక నిర్ణయం తీసుకుంది. రేపటి నుంచి (12వ తేదీ) నుంచి 10 రోజుల పాటు లాక్‍డౌన్‍ విధించాలని కేబినెట్‍ నిర్ణయించింది. లాక్‍డౌన్‍ సమయంలో ఉదయం 6 గంటల నుంచి 10 గంటల వరకే కార్యకలాపాలకు అవకాశమిచ్చారు. నిత్యావసరాలు, ఇతర వస్తువుల కొనుగోలుకు ఈ సమయంలో వెసులుబాటు కల్పించారు. ప్రతి రోజూ ఉదయం 10 గంటల తర్వాత నుంచి మరుసటి రోజు ఉదయం 6 గంటల వరకు లాక్‍డౌన్‍ అమలు కానుంది. ఈ సమయంలో దాదాపు అన్ని కార్యకలాపాలకు నిలిచిపోనున్నాయి. అత్యవసర సేవలకు మాత్రమే అనుమతించనున్నారు. అలాగే వ్యాక్సిన్‍ కొరత నివారించేందుకు టీకా కొనుగోలుకు గ్లోబల్‍ టెండర్లను పిలవాలని రాష్ట్ర మంత్రివర్గం నిర్ణయించింది.