బ్యాలెట్ పద్ధతిలోనే జీహెచ్ఎంసీ ఎన్నికలు

గ్రేటర్‍ హైదరాబాద్‍ మున్సిపల్‍ కార్పొరేషన్‍ (జీహెచ్‍ఎంసీ) ఎన్నికలపై రాష్ట్ర ఎన్నికల సంఘం కీలక నిర్ణయం తీసుకుంది. బ్యాటెట్‍ పేపర్‍ పద్ధతిలోనే జీహెచ్‍ఎంసీ ఎన్నికలు నిర్వహించాలని నిర్ణయించింది. కరోనా వైరస్‍ వ్యాప్తి నేపథ్యంలో ఎన్నికల సంఘం ఈ మేరకు నిర్ణయం తీసుకుంది. ఎన్నికల నిర్వహణపై అన్ని పార్టీల అభిప్రాయాలు తీసుకున్నాకే నిర్ణయం ప్రకటించామన్న ఎస్‍ఈసీ తెలిపారు. ఈ మేరకు తెలంగాణ ఎన్నికల సంఘం ఓ ప్రకటన విడుదల చేసింది.

రాష్ట్రంలో 11 గుర్తింపు పొందిన రాజకీయ పార్టీలు ఉండగా.. 8 పార్టీలు తమ అభిప్రాయం తెలిపాయని ఈసీ ప్రకటించింది. బీజేపీ మాత్రమే ఈవీఎం ద్వారా ఎన్నికలు నిర్వహించాలని కోరినట్లు వెల్లడించింది. స్థానిక ప్రభుత్వం బ్యాలెట్‍ పేపర్‍ ఎన్నికకే అనుకూలంగా ఉంది. నవంబర్‍ మొదటి లేదా రెండో వారంలోనే జీహెచ్‍ఎంసీ ఎన్నికలకు నోటిఫికేషన్‍ విడుదలయ్యే అవకాశం ఉన్నట్లు తెలుస్తోంది. ఈ ఎన్నికలను అధికార టీఆర్‍ఎస్‍ పాటు విపక్షాలు సైతం ఎంతో ప్రతిష్టాత్మకంగా భావిస్తున్నాయి.