అల్లా దయతో తెలంగాణ : సీఎం కేసీఆర్

అల్లా దయతో తెలంగాణ సిద్ధించిందని సీఎం కేసీఆర్ అన్నారు. ఎల్బీ స్టేడియంలో సాయంత్రం దావత్-ఎ-ఇఫ్తార్ కార్యక్రమం జరిగింది. ఈ ఇఫ్తార్ విందుకు సీఎం కేసీఆర్ హాజరయ్యారు. రాష్ట్ర ప్ర‌భుత్వం త‌రుపున ఇస్తున్న ఈ ఇఫ్తార్ విందులో డిప్యూటీ సీఎం మహమూద్ అలీ, మండలి చైర్మన్ స్వామి గౌడ్, మంత్రులు నాయిని, హరీశ్ రావు, తలసాని, ఎంపీ అసదుద్దీన్ ఒవైసీ, డిప్యూటీ మేయర్ బాబా ఫసియుద్దీన్ పాల్గొన్నారు. ఈ సందర్భంగా సీఎం.. పేద ముస్లింలకు దుస్తులు పంపిణీ చేశారు. అనంతరం సీఎం కేసీఆర్ మాట్లాడుతూ.. అభివృద్ధిలో తెలంగాణ దేశంలోనే మొదటి స్థానంలో ఉందన్నారు. దేశం మొత్తం తెలంగాణ వైపు చూస్తున్నదన్నారు. ముస్లింల సంక్షేమానికి రూ.2 వేల కోట్లను కేటాయించినట్లు కేసీఆర్ తెలిపారు.

Click here for Photogallery