సీపీఐ రాష్ట్ర కార్యదర్శి చాడ వెంకటరెడ్డికి కరోనా

సీపీఐ రాష్ట్ర కార్యదర్శి చాడ వెంకటరెడ్డి కరోనా బారిన పడ్డారు. ర్యాపిడ్‍ టెస్టులో పాజిటివ్‍ వచ్చినట్లు రాష్ట్ర కార్యాలయం ఒక ప్రకటనలో పేర్కొంది. ప్రస్తుతం ఆయన హోం క్వారంటైన్‍ ఉన్నారని తెలిపింది. చాడ ఆరోగ్యం నిలకడగా ఉందని స్పష్టం చేసింది. ఈ మధ్య కాలంలో తనను కలిసిన వారంతా కరోనా పరీక్షలు చేయించుకోవాలని విజ్ఞప్తి చేశారు. ప్రతి ఒక్కరు మాస్కులు ధరించాలి అన్నారు. కరోనా నిబంధనలు ప్రతి ఒక్కరు ఖచ్చితంగా పాటించాలని విజ్ఞప్తి చేశారు.