Y.S.Jagan: కడపలో టీడీపీ మహానాడు పై జగన్ ఘాటు ప్రతిస్పందన..

తెలుగుదేశం పార్టీ (TDP) ఈసారి మహానాడును వైఎస్సార్ కాంగ్రెస్ పార్టీ (YCP) గట్టి బేస్ అయిన కడప (Kadapa) జిల్లాలో నిర్వహించడం రాజకీయంగా హాట్ టాపిక్ అయింది. కడప ఎప్పటినుంచో వైఎస్సార్ కుటుంబానికి అడ్డా. జగన్ మోహన్ రెడ్డి (Jagan Mohan Reddy) స్వస్థలం కావడం వల్ల అక్కడ రాజకీయంగా వేరే పార్టీలకు అడుగు పెట్టడమే గద్దెనెక్కినట్లు. అలాంటిది తెలుగుదేశం పార్టీ తన రాజకీయ చరిత్రలో తొలిసారిగా ఈ ప్రాంతంలో మహానాడు నిర్వహించడం అందరిని ఆశ్చర్యానికి గురిచేసింది. ఇదంతా ఎలాగైనా వైఎస్సార్ కాంగ్రెస్ పార్టీకి తగినదే అని పలు రాజకీయ విశ్లేషకులు అభిప్రాయపడుతున్నారు.

ఇటీవలి ఎన్నికల్లో కడప జిల్లాలో పదికి ఏడు అసెంబ్లీ స్థానాలను గెలుచుకున్న TDP కూటమి, ఈ విజయం ఆధారంగా కడపలో మహానాడు పెట్టడం ద్వారా వైసీపీకి సై గట్టిగానే చెప్పింది. 2024 ఎన్నికలో ఘన విజయం తర్వాత చంద్రబాబు నాయుడు (Chandrababu Naidu), అక్కడే మహానాడులో మాట్లాడుతూ ఈసారి కడపను పూర్తిగా క్లీన్ స్వీప్ చేస్తామని ధీమాగా ప్రకటించారు. హోంమంత్రి కిన్జరాపు అనిత (Kinjarapu Anitha) మహానాడులో పాల్గొని “కడపలో జరుపడంలో కిక్కే వేరు” అంటూ వ్యాఖ్యానించడం గమనార్హం.

ఇదంతా చూస్తే జగన్ స్పందించకుండా ఉండలేరు. తాడేపల్లిలోని (Tadepalli) వైసీపీ కేంద్ర కార్యాలయంలో స్థానిక సంస్థల ప్రతినిధులతో సమావేశంలో మాట్లాడుతూ జగన్, కడపలో మహానాడు పెట్టిన టీడీపీ పై ఘాటుగా స్పందించారు. ఇది గొప్పగా భావించాల్సిన పని కాదని, సీట్లు గెలిచినంత మాత్రాన ప్రజలకు ఇచ్చిన హామీలను అమలు చేయడం ముఖ్యం అన్నారు. TDP ఇచ్చిన ‘సూపర్ సిక్స్’ (Super six) హామీలను గుర్తుచేస్తూ ఇప్పటికీ వాటిపై ఏమీ చేయలేకపోయారని విమర్శించారు.

జనాల్లోకి వెళ్ళాలని చంద్రబాబుకు సూచించిన జగన్, ఫోటోలకు ఫోజులు ఇస్తే ఏమౌతుందన్నారు. ప్రజలు ఇప్పుడు హామీలపై ప్రశ్నిస్తారు, సమాధానం చెప్పగలరా అని ప్రశ్నించారు. కడపలో సమావేశం పెట్టి వైసీపీని తిడితే మీ సత్తా తేలిపోతుందా అని ఎద్దేవా చేశారు. ప్రజాస్వామ్యానికి వ్యతిరేకంగా ప్రలోభాలకు లోనై ఇతర పార్టీల నేతలను తమ పార్టీలోకి తీసుకుంటున్నారంటూ చంద్రబాబుపై మండిపడ్డారు. తమ పాలనలో కరోనా (Corona) వంటి సంక్షోభం వచ్చినా హామీలను తాము అమలు చేశామని, 99 శాతం హామీలు నెరవేర్చామన్నారు. అంతేకాదు, స్థానిక సంస్థల ఎన్నికల్లో ఈ కారణంగా తాము విజయం సాధించామని చెప్పారు.ఇక, జగన్ చేసిన ఈ ఘాటు వ్యాఖ్యలకు తెలుగుదేశం నుంచి ఎలా స్పందన వస్తుందన్నది రాజకీయంగా ఆసక్తికరంగా మారింది.