Global: గ్లోబల్‌ కనెక్టివిటీ హబ్‌గా విశాఖ : థామస్‌ కురియన్‌

గ్లోబల్‌ కనెక్టివిటీ హబ్‌గా విశాఖ మారనుందని గూగుల్‌ క్లౌడ్‌ గ్లోబల్‌ సీఈవో థామస్‌ కురియన్‌  (Thomas Kurien) అన్నారు. విశాఖ (Visakhapatnam) లో గూగుల్‌ డేటా సెంటర్‌ (Google Data Center) ఏర్పాటుకు ఏపీ ప్రభుత్వం తో ఒప్పందం సందర్భంగా నిర్వహించిన కార్యక్రమంలో థామస్‌ కురియన్‌ మాట్లాడారు.  విశాఖ నుంచి 12 దేశాలతో సబ్‌సీ కేబుల్‌ విధానం అనుసంధానం చేస్తామని తెలిపారు. అమెరికా (America)  వెలుపల పెద్ద ఎత్తున పెట్టుబడులు  పెట్టడం ఇదే తొలిసారన్నారు. జెమీనీ-ఏఐ, గూగుల్‌ అందించే ఇతర సేవలూ ఈ డేటా సెంటర్‌ ద్వారా అందుతాయి. దీని ద్వారా ప్రపంచస్థాయి ఏఐ నిపుణులు తయారయ్యేందు కు అవకాశం కలుగుతుంది. రానున్న ఐదేళ్లలో  15 బిలియన్‌ డాలర్ల మేర పెట్టుబడులకు అవకాశముంది. భారత్‌కే కాకుండా విశాఖ నుంచి వివిధ దేశాలకు కనెక్టివిటీకి ఇది దోహదపడుతుంది అని కురియన్‌ అన్నారు.