ఏపీలో అమిత్ షా పర్యటన ..షెడ్యూల్ ఇదే

ఆంధ్రప్రదేశ్‌ రాష్ట్రంలో  కేంద్ర హోంమంత్రి అమిత్‌ షా పర్యటన ఖరారైంది. ఈ నెల 8న కర్నూలు, అనంతపురం జిల్లాలో అమిత్‌ షా పర్యటించనున్నారు. రెండు జిల్లాల్లో ఐదు కార్యక్రమాల్లో పాల్గొననున్నారు. 8న ఉదయం 11:15 గంటలకు కర్నూలులో బహిరంగ సభకు హాజరవుతారు. మధ్యాహ్నం 1:30 గంటలకు పార్టీ కార్యకర్తలతో కేంద్ర మంత్రి సమావేశం అవుతారు. అలాగే సాయంత్రం 3 గంటలకు పుట్టపర్తిలో జరిగే బహిరంగ సభలో పాల్గొంటారు. సాయంత్రం  4:30 గంటలకు శ్రీ సత్యసాయిబాబా ఆశ్రమాన్ని సందర్శించనున్నారు. ఆపై సాయంత్రం 5 గంటలకు పుట్టపర్తిలో పార్టీ కార్యకర్తలతో కేంద్ర మంత్రి అమిత్‌ షా సమావేశం కానున్నారు.