డెమొక్రాట్ లలో కమలోత్సాహం…

ట్రంప్ ను ఓడించి తీరతానంటున్న కమలా హ్యారిస్.. డెమొక్రాట్ అధ్యక్ష పదవికి నామినీగా బైడెన్ స్థానంలో కమలా హ్యారిస్ రావడంతోనే .. అధికార పక్షంలో ఉత్సాహం వెల్లివిరుస్తోంది. మొన్నటివరకూ ఎవరికి వారే అన్నట్లుగా ఉన్న డెమొక్రాట్ నాయకులు..ఇప్పుడు పార్టీని గెలిపించేందుకు ప్రయత్నిస్తున్నారు. మొత్తంగా చూస్తే కమలా హ్యారిస్ కు .. 93 శాతం డెమొక్రాట్ పార్టీ నేతల మద్దతు లభించింది. మరోవైపు.. కమలాను నామినీగా ప్రకటించిన తర్వాత డెమొక్రాట్లకు విరాళాలు పెరుగుతున్నాయి.

ఈపరిణామం అధికార శిబిరంలో ఉత్సాహాన్ని కలిగిస్తోంది. వైస్ ప్రెసిడెంట్ కమలా హారిస్ మాజీ ప్రెసిడెంట్ డొనాల్డ్ జె. ట్రంప్‌తో వర్చువల్ టైలో అధ్యక్ష పదవికి పోటీ పడుతున్నారు. ఈసందర్బంగా ఆమె అన్నివర్గాల మద్దతు ఆశిస్తున్నారు. మరీ ముఖ్యంగా తనకు అనుకూలంగా ఉన్న నల్లజాతీయుల మద్దతును కూడగట్టేందుకుప్రయత్నిస్తున్నారు కమల.అంతే కాదు.. అధికశాతం ఉన్న భారతీయుల మద్దతుకోసం ప్రయత్నాలు చేస్తున్నారని చెప్పొచ్చు. ప్రచారంప్రారంభించిన కమల.. ట్రంప్ పై తీవ్రస్థాయిలో విరుచుకుపడ్డారు. మరోవైపు గణాంకాల వారీగా చూస్తే ఫిబ్రవరిలో 44 శాతం ఆదరణను పొందిన ట్రంప్, జులై నాటికి ఆ ఆధిక్యాన్ని 48శాతం వరకూ మెరుగుపరుచుకున్నారు.

అయితే ఫిబ్రవరిలో 36శాతం ఆదరణ కలిగిన కమలా హ్యారిస్.. ఇప్పుడు దాన్ని 46శాతానికి పెంచుకున్నారు. దీంతో ఆమెకు ట్రంప్ కు మధ్య పాపులారిటీ విషయంలో స్వల్ప తేడాయే కనిపిస్తోంది. దీంతో మరింతగా కష్టపడితే ట్రంప్ ను ఓడించడం పెద్దగా కష్టమైన విషయం కాదంటున్నారు డెమొక్రాట్లు. అయితే …మిస్టర్ బిడెన్ బలహీనంగా ఉన్న సమూహాలలో, ముఖ్యంగా యువ ఓటర్లు మరియు తెల్లజాతీయేతర ఓటర్లలో శ్రీమతి హారిస్ మెరుగైన ఆదరణ కలిగి ఉన్నారు.

అదే సమయంలో, కొంతమంది డెమొక్రాట్లు.. సీనియర్ సిటిజన్స్త్ ఇప్పటికీ బైడన్ అంటే ఇష్టం చూపిస్తున్నారు. వీరు కమలాకు ఎంతవరకూ మద్దతుగా నిలుస్తారన్నది అనుమానంగానే ఉంది. ముఖ్యంగా యుద్ధభూమిగా భావించే పలు రాష్ట్రాల్లో Ms. హారిస్ అభ్యర్థిత్వం యొక్క ప్రభావం ఎలా ఉంటుందో అన్న భయం డెమొక్రాట్లలో కనిపిస్తోంది. మరోవైపు… కొన్ని విషయాల్లో మాత్రం ట్రంప్ తో పోలిస్తే హారిస్ వెనకబడి ఉన్నారని చెప్పక తప్పదు. ఇప్పటికీ చాలా మంది హారిస్ కన్నా ట్రంప్ ను బలమైన నేతగా భావిస్తున్నారు. ఈపరిణామం కాస్తా రిపబ్లికన్లలో ఆత్మవిశ్వాసాన్ని పెంచుతోంది.