యూపీ సీఎం కీలక నిర్ణయం…ఇక నుంచి తప్పనిసరి

మతపరమైన ప్రదేశాల్లో ఇక నుంచి లౌడ్‌ స్పీకర్లను ఉపయోగించేందుకు అధికారుల అనుమతి తప్పనిసరి చేస్తున్నట్లు ఉత్తర ప్రదేశ్‌ ముఖ్యమంత్రి యోగి ఆదిత్యానాథ్‌ వెల్లడించారు. అంతేగాక ప్రార్థనా ప్రాంగణం నుంచి శబ్ధం బయటకు రాకూడదని తెలిపారు. లౌడ్‌ స్పీకర్లకు కొత్తగా ఎలాంటి అనుమతులు ఇవ్వకూడదని పేర్కొన్నారు. ప్రతి ఒక్కరికి తమ మత విశ్వాసాలకు తగిన విధంగా ఆరాధించే స్వేచ్ఛ ఉంటుంది కానీ అది ఇతరులకు అసౌకర్యం కలిగించకూడదు అని అన్నారు. మహారాష్ట్రలోని నాసిక్‌ పోలీసులు మతపరమైన ప్రదేశాలలో అనుమతి లేకుండా లౌడ్‌ స్పీకర్ల వినియోగంపై నిషేధం విధించిన మూడు రోజుల తర్వాత యూపీలో యోగీ ఈ ప్రకటన చేశారు.