కోవిడ్ టీకా తీసుకున్న కమల్‍ హాసన్‍
- Published By: techteam
- March 2, 2021 / 04:23 AM IST
ఫిల్మ్ స్టార్‍, మక్కల్‍ నీధి మయ్యం పార్టీ చీఫ్‍ కమల్‍ హాసన్‍ కోవిడ్ టీకా తీసుకున్నారు. చెన్నైలో ఓ హాస్పిటల్‍లో ఆయన తొలి డోసు టీకా వేయించుకున్నారు. కమల్‍ హాసన్‍ వయసు 66 ఏళ్లు. టీకా తీసుకున్న విషయాన్ని ఆయన తన ట్విట్టర్‍లో పోస్టు చేశారు. అవసరమైన ప్రతి ఒక్కరూ టీకా తీసుకోవాలని ఆయన కోరారు. శ్రీ రామచంద్ర హాస్పిటల్‍లో వ్యాక్సిన్‍ తీసుకున్నానని, తమ గురించి, ఇతరుల గురించి ఆలోచించేవారు టీకా వేసుకోవాలన్నారు. ఇవాళ శరీరాన్ని ఇమ్యునైజ్‍ చేస్తామని, వచ్చె నెలలో అవినీతికి వ్యతిరేకంగా వ్యాక్సినేషన్‍ చేపడుతామని, దీనికి సిద్ధంగా ఉండాలని తన ట్విట్‍లో కమల్‍ తెలిపారు. దేశవ్యాప్తంగా రెండవ దశ వ్యాక్సినేషన్‍ పక్రియ కొనసాగుతున్న విషయం తెలిసిందే.
