డల్లాస్‌కు 17న వైఎస్‌ జగన్‌ రాక

ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి అమెరికా పర్యటనలో భాగంగా డల్లాస్‌కు 17న వస్తున్నారు. ముఖ్యమంత్రిగా బాధ్యతలు చేపట్టిన తర్వాత వైఎస్‌ జగన్‌ తొలిసారిగా అమెరికా పర్యటనకు వెళుతున్నారు. ఆయన ఆగస్టు 15న బయలుదేరి వారం రోజుల పాటు అమెరికాలో పర్యటించనున్నారు. వైఎస్‌ జగన్‌ పర్యటనను పురస్కరించుకుని 17వ తేదీన డల్లాస్‌ లో ప్రసిద్ధిగాంచిన డల్లాస్‌ కన్వెన్షన్‌ సెంటర్‌ (కే బెయిలీ హచీసన్‌ కన్వెన్షన్‌ సెంటర్‌) లో ప్రవాసాంధ్రులు భారీ స్థాయిలో ఒక సమావేశం నిర్వహించాలని నిర్ణయించారు. ఆ సమావేశానికి హాజరుకావడానికి జగన్‌ అంగీకరించినట్టు తెలుగు కమ్యూనిటీ ఆఫ్‌ నార్త్‌ అమెరికా తెలిపింది.