మరో సారి రామ్ చరణ్ తో ఆడి పాడనున్న పూజ హెగ్డే

మెగాస్టార్ చిరంజీవి మరికొద్ది రోజుల్లో ‘ఆచార్య’ సినిమాతో ప్రేక్షకుల ముందుకు రాబోతున్నారు. సామాజిక కోణంలో కథలను సిద్ధం చేస్తూ ఆడియన్స్ మెప్పు పొందుతున్న కొరటాల శివ ఈ సినిమాకు దర్శకత్వం వహిస్తున్నారు. చిరంజీవి తనయుడు రామ్ చరణ్ ఇందులో నిర్మాణ భాగస్వామిగా ఉంటూనే ముఖ్య పాత్ర పోషిస్తుండటం విశేషం. అయితే ఇప్పటికే ఈ మూవీ అప్‌డేట్స్‌తో మెగా అభిమానుల్లో  ఈ సారి రామ్ చరణ్‌తో మెగా కిక్ ఇవ్వబోతున్నట్లు తెలుస్తోంది. ఇద్దరు మెగా హీరోలతో సెన్సేషన్ క్రియేట్ చేసేలా ప్లాన్ చేసిన కొరటాల శివ.. ‘ఆచార్య’ మూవీ నుంచి మరో సర్‌ప్రైజ్ రెడీ చేశారట. ఈ సినిమాలో రామ్ చరణ్ సరసన పూజా హెగ్డే ఆడిపాడుతోంది. ఈ నేపథ్యంలో రామ్ చరణ్, పూజా హెగ్డే కాంబినేషన్‌లో ఓ రొమాంటిక్ సాంగ్ షూటింగ్ కంప్లీట్ చేసిన ఆయన, ఈ పాట తాలూకు లిరికల్ వీడియో విడుదల చేసేందుకు రెడీ అయ్యారట. జూలై నెలలో ఈ సాంగ్‌ను విడుదల చేయడానికి సన్నాహాలు చేస్తున్నట్లు సమాచారం.

ఇప్పటికే చిరంజీవి ‘లాహే లాహే’ సాంగ్ ఓ రేంజ్ రెస్పాన్స్ తెచ్చుకున్న నేపథ్యంలో చెర్రీ సాంగ్ ఎలా ఉంటుందనే దానిపై అందరి దృష్టి పడింది. ఇకపోతే గతంలో ఎప్పుడూ లేని విధంగా నక్సల్స్ బ్యాక్ డ్రాప్‌తో ‘ఆచార్య’ మూవీ ప్రేక్షకుల ముందుకు రాబోతోంది. ఎక్కడా తగ్గకుండా కమర్షియల్ ఎలిమెంట్స్ జోడిస్తూ ఈ సినిమాను తెరకెక్కిస్తున్నారు కొరటాల. ప్రస్తుతం ఈ సినిమాకు సంబంధించిన చివరి షెడ్యూల్ పూర్తి చేసే పనిలో బిజీగా ఉంది చిత్రయూనిట్. మణిశర్మ బాణీలు కడుతున్న ఈ భారీ సినిమాలో చిరంజీవి సరసన కాజల్ హీరోయిన్‌గా నటిస్తోంది.