సెకండ్ ఇన్నింగ్స్ కు రెడీ అవుతున్న మండాడి

థియేటర్లలో తన సత్తా చాటుకున్న మండాడి(mandadi) ఇప్పుడు డిజిటల్ ప్రేక్షకుల ముందుకు వచ్చేందుకు రెడీ అవుతోంది. సూరి(Soori) ప్రధాన పాత్రలో, తెలుగు నటుడు సుహాస్(Suhas) కీలక పాత్రలో నటించిన ఈ సముద్రపు బ్యాక్‌డ్రాప్ యాక్షన్ డ్రామా థియేట్రికల్‌గా మంచి రెస్పాన్స్ ను అందుకోవడంతో పాటు బాక్సాఫీస్ దగ్గర భారీ క‌లెక్ష‌న్ల‌ను నమోదు చేసింది. సూరి కెరీర్‌లోనే హ‌య్యెస్ట్ క‌లెక్ష‌న్లు సాధించిన సినిమాల్లో ఒకటిగా నిలిచిన ఈ సినిమా రూ.140 కోట్లకు పైగా గ్రాస్ రాబట్టినట్లు ట్రేడ్ వర్గాల్లో ప్రచారం జరిగింది.

థియేటర్లలో రిలీజైన టైమ్ లో సినిమాను మిస్ అయిన ఆడియ‌న్స్ కు ఇప్పుడు ఓటీటీ రూపంలో మరో అవకాశం దక్కనుంది. ప్రముఖ డిజిటల్ స్ట్రీమింగ్ సంస్థ నెట్‌ఫ్లిక్స్(Netflix) మండాడి డిజిటల్ రైట్స్ ను సొంతం చేసుకున్నట్లు సమాచారం. ఈ సినిమా అక్టోబర్ 9 నుంచి స్ట్రీమింగ్‌కు అందుబాటులోకి రానుందనే ప్రచారం ప్రస్తుతం కోలీవుడ్ వర్గాల్లో వినిపిస్తోంది. అయితే స్ట్రీమింగ్ డేట్‌పై నెట్‌ఫ్లిక్స్ నుంచి అఫీషియ‌ల్ అనౌన్స్‌మెంట్ రావాల్సి ఉంది.

మథిమారన్(Mathimaran) దర్శకత్వం వహించిన మండాడిలో సత్యరాజ్ తదితరులు కీలక పాత్రలు పోషించారు. జీవీ ప్రకాష్ కుమార్(GV Prakash Kumar) మ్యూజిక్ అందించిన ఈ సినిమాను ఆర్‌ఎస్ ఎంటర్టైన్మెంట్స్ నిర్మించింది. థియేట్రికల్ రన్‌లో కమర్షియల్‌గా మంచి ఇంపాక్ట్ చూపించిన ఈ సినిమా ఇప్పుడు నెట్‌ఫ్లిక్స్ ద్వారా మరింత విస్తృతమైన ప్రేక్షకులను చేరుకునే అవకాశం ఉంది. ముఖ్యంగా సూరి యాక్టింగ్, సముద్ర నేపథ్యం, యాక్షన్ అంశాలు ఓటీటీ ఆడియన్స్‌లో ఎలాంటి రెస్పాన్స్‌ను తెచ్చుకుంటాయనేది ఆసక్తికరంగా మారింది.