ఆ మల్టీస్టారర్ చేయాలని త్రివిక్రమ్ ను ఒత్తిడి చేస్తున్న నిర్మాత
- Published By: techteam
- January 24, 2024 / 10:37 PM IST
సైంధవ్ ప్రమోషన్స్ లో భాగంగా వెంకటేష్ ను త్రివిక్రమ్ దర్శకత్వంలో నానితో మల్టీస్టారర్ చేస్తున్న మాట నిజమేనా అని అడిగితే త్రివిక్రమ్ కు కాల్ చేసి అడగండని ఫన్నీగా ఆన్సరిచ్చాడు వెంకీ. అయితే ఓ నిర్మాత మాత్రం ఈ కాంబినేషన్ కోసం తెగ ట్రై చేస్తున్నట్లు తెలుస్తోంది. త్రివిక్రమ్ దర్శకత్వంలో వెంకీ-నాని హీరోలుగా కాంబినేషన్ ను సెట్ చేయాలని ఆ నిర్మాత చూస్తున్నాడట.
ప్రస్తుతం సరిపోదా శనివారం సినిమాతో బిజీగా ఉన్న నాని, ఆ తర్వాతి సినిమాను శ్రీకాంత్ ఓదెలతో చేయనున్నాడు. కానీ ఆ సినిమాకు 6 నెలలు టైమ్ ఉండటంతో ఈ లోగా మరో మూవీ చేయాలని నాని చూస్తున్నాడట. సైంధవ్ రిజల్ట్ తో నిరాశ పడిన వెంకీ కూడా ఇప్పటి వరకు తన నెక్ట్స్ ప్రాజెక్ట్ ను ఫిక్స్ చేయలేదు.
దీంతో ఆ నిర్మాత ఈ మల్టీస్టారర్ ప్లాన్ ను ముందుకు తీసుకెళ్లాలని చూస్తున్నాడట. ఈ సినిమా హారికా హాసినీ క్రియేషన్స్ బ్యానర్ లో కాకుండా బయట ప్రొడక్షన్ లో ఉంటుందని తెలుస్తోంది. త్రివిక్రమ్ గతంఓల చేసుకున్న కమిట్మెంట్స్ ప్రకారం బన్నీతో సినిమా చేయాల్సింది కానీ బన్నీ ఫ్రీ అవడానికి టైమ్ పడుతుంది కాబట్టి ఈ లోపు ఈ మల్టీస్టారర్ ను చేయాలని ఆ నిర్మాత ఫోర్స్ చేస్తున్నాడట. మరి త్రివిక్రమ్ దానికి ఓకే అంటాడో లేదో చూడాలి.
