T20 World Cup 2026: యూఏఈపై విజయం.. అజేయంగా సూపర్-8కు సఫారీ జట్టు

టీ20 ప్రపంచకప్ 2026 (T20 World Cup 2026) టోర్నీలో సఫారీ జట్టు తన జైత్రయాత్రను అప్రతిహతంగా కొనసాగుతోంది. ఢిల్లీలోని అరుణ్ జైట్లీ స్టేడియం వేదికగా బుధవారం జరిగిన గ్రూప్-డి 34వ మ్యాచ్‌లో సౌతాఫ్రికా జట్టు పసికూన యునైటెడ్ అరబ్ ఎమిరేట్స్ (UAE) పై 6 వికెట్ల తేడాతో ఘన విజయం సాధించింది. బౌలింగ్, బ్యాటింగ్ విభాగాల్లో సమష్టిగా రాణించిన ప్రొటీస్ జట్టు.. ఈ విజయంతో గ్రూప్ దశలో ఆడిన అన్ని మ్యాచ్‌లలో గెలుపొంది అజేయంగా సూపర్-8 (Super 8) దశకు అర్హత సాధించింది.

కట్టడి చేసిన సఫారీ బౌలర్లు:
ఈ మ్యాచ్‌లో (T20 World Cup 2026) టాస్ గెలిచిన సౌతాఫ్రికా సారథి ఎయిడెన్ మార్క్రమ్ ముందుగా ఫీల్డింగ్ ఎంచుకున్నాడు. దీంతో మొదట బ్యాటింగ్‌కు దిగిన యునైటెడ్ అరబ్ ఎమిరేట్స్ నిర్ణీత 20 ఓవర్లలో 6 వికెట్లు కోల్పోయి కేవలం 122 పరుగులు మాత్రమే చేయగలిగింది. యూఏఈ ఇన్నింగ్స్ ఆరంభంలో కెప్టెన్ మహ్మద్ వసీమ్ దూకుడుగా ఆడాడు. కేవలం 12 బంతుల్లోనే 3 ఫోర్లతో 22 పరుగులు చేసి మంచి ఫామ్ కనబరిచాడు. ఓపెనర్లు వసీమ్, ఆర్యాన్ష్ శర్మ (13 పరుగులు) తొలి వికెట్‌కు 38 పరుగులు జోడించారు. అయితే 4.3 ఓవర్ల వద్ద జార్జి లిండే బౌలింగ్‌లో వసీమ్ ఎల్బీడబ్ల్యూగా వెనుతిరగడంతో యూఏఈ పతనం మొదలైంది. కొద్దిసేపటికే ఆర్యాన్ష్ శర్మను కార్బిన్ బోష్ పెవిలియన్ చేర్చాడు.

మిడిల్ ఆర్డర్ (T20 World Cup 2026) ఆటగాళ్లలో సోహైబ్ ఖాన్ (6), సయ్యద్ హైదర్ (6) దారుణంగా విఫలమయ్యారు. అయితే ఒకవైపు వికెట్లు పడుతున్నా.. అలీషన్ షరాఫు (45 పరుగులు, 38 బంతుల్లో 5 ఫోర్లు, 1 సిక్స్) ఒంటరి పోరాటం చేశాడు. అతడి పోరాటం వల్లే యూఏఈ కనీసం ఈ స్కోరు చేయగలిగింది. ఢిల్లీ పిచ్ బ్యాటింగ్‌కు అనుకూలించేది అయినప్పటికీ, సౌతాఫ్రికా బౌలర్లు తమ వ్యూహాత్మక బౌలింగ్‌తో యూఏఈ బ్యాటర్లను ఉక్కిరిబిక్కిరి చేశారు. ప్లేయర్ ఆఫ్ ది మ్యాచ్ ‘కార్బిన్ బోష్’ అద్భుతంగా బౌలింగ్ చేసి 4 ఓవర్లలో కేవలం 12 పరుగులు మాత్రమే ఇచ్చి 3 కీలక వికెట్లు పడగొట్టాడు. ఆన్రిచ్ నోకియా (2/28), జార్జి లిండే (1/17) కూడా రాణించారు. కగిసో రబాడా (0/30), క్వేనా మఫాకా (0/30) వికెట్లు తీయకపోయినా కట్టుదిట్టంగా బౌలింగ్ చేసి పరుగులు కట్టడి చేశారు.

సౌతాఫ్రికా సునాయాస ఛేదన:
కేవలం 123 పరుగుల స్వల్ప లక్ష్యంతో (T20 World Cup 2026) బరిలోకి దిగిన సౌతాఫ్రికాకు బ్యాటర్లు ఎలాంటి ఇబ్బంది లేకుండా లక్ష్యాన్ని కరిగించారు. ఓపెనర్ క్వింటన్ డికాక్ 16 బంతుల్లో 14 పరుగులు చేసి నెమ్మదిగా ఆడి వెనుతిరిగాడు. కానీ కెప్టెన్ ఎయిడెన్ మార్క్రమ్ కేవలం 11 బంతుల్లోనే 5 ఫోర్లు, 1 సిక్సర్‌తో 28 పరుగులు చేసి స్కోరు బోర్డును పరుగులు పెట్టించాడు. సౌతాఫ్రికా బ్యాటర్లు ఏ దశలోనూ ఎలాంటి ఒత్తిడికి గురికాకుండా సహజ సిద్ధమైన (T20 World Cup 2026) ఆటతీరుతో ప్రేక్షకులను అలరించారు. పవర్‌ప్లే నుంచే భారీ షాట్లతో విరుచుకుపడి ఎమిరేట్స్ బౌలర్లకు ఎటువంటి అవకాశం ఇవ్వకుండా మ్యాచ్‌ను ఏకపక్షంగా మార్చేశారు.

క్రీజులోకి వచ్చిన (T20 World Cup 2026) ర్యాన్ రికెల్టన్, యువ సంచలనం డేవాల్డ్ బ్రెవిస్ ఆకాశమే హద్దుగా చెలరేగారు. రికెల్టన్ 16 బంతుల్లో 3 ఫోర్లు, 2 సిక్సర్లతో 30 పరుగులు చేయగా.. బ్రెవిస్ 25 బంతుల్లో 1 ఫోర్, 3 భారీ సిక్సర్లతో 36 పరుగులు సాధించాడు. యూఏఈ బౌలర్లలో హైదర్ అలీ, మహ్మద్ జవాదుల్లా, మహ్మద్ అర్ఫాన్, మహ్మద్ ఫారుక్ తలో వికెట్ దక్కించుకున్నప్పటికీ సౌతాఫ్రికా బ్యాటర్ల ధాటిని ఆపలేకపోయారు. రికెల్టన్, బ్రెవిస్ అవుట్ అయిన తర్వాత.. ట్రిస్టన్ స్టబ్స్ (6 నాటౌట్), జేసన్ స్మిత్ (3 నాటౌట్) లాంఛనాన్ని పూర్తి చేశారు. చివరకు సౌతాఫ్రికా ఇంకా 40 బంతులు (13.2 ఓవర్లలో) మిగిలి ఉండగానే 4 వికెట్లు కోల్పోయి 123 పరుగులు చేసి అద్భుత విజయాన్ని ఛేదించింది.