గ్రూప్-1 ప్రిలిమ్స్ కు హైకోర్టు గ్రీన్ సిగ్నల్

గ్రూప్‌`1 ప్రిలిమ్స్‌ పరీక్ష వాయిదాకు హైకోర్టు నిరాకరించింది. గ్రూప్‌-1 ప్రిలిమ్స్‌ను వాయిదా వేయాలని దాఖలైన పిటిషన్లను కొట్టివేస్తూ తీర్పు వెలువరించింది. ప్రశ్నపత్రాల లీకేజీ కారణంగా రద్దయిన గ్రూప్‌-1 ప్రిలిమ్స్‌ ఈ నెల 11న జరగనుంది.  2022 ఏప్రిల్‌ 26న 503 పోస్టులతో తెలంగాణ తొలి గ్రూప్‌-1 ప్రకటనను టీఎస్‌పీఎస్సీ వెలువరించింది. రాష్ట్రవ్యాప్తంగా 3,80,202 మంది దరఖాస్తు చేసుకున్నారు. అక్టోబరు 16న ప్రిలిమినరీ నిర్వహించగా 2,85,916 మంది రాశారు. పేపర్‌ లీకేజీ కారణంతో ఈ పరీక్షను రద్దు చేసి ఈ నెల 11న నిర్వహించనున్నారు.