Revanth reddy: రేవంత్ స్పీచ్ అద్భుతహాః , కాంగ్రెస్ సీనియర్లు కుష్.. !

తెలంగాణ కాంగ్రెస్ సీఎం రేవంత్ రెడ్డి.. మాటల తూటాలు సంధించడంలో దిట్ట. ప్రత్యర్థులపై విమర్శనాస్త్రాలు సంధించడమే కాదు.. సన్నిహితులను పొగడడంలోనూ సిద్ధహస్తుడే. సాక్షాత్తూ సీఎంగా ఉన్న వ్యక్తి వేదికపై ఉండి, పబ్లిగ్గా సహచర మంత్రులు, ప్రజాప్రతినిధులను పొగిడితే.. వారి పరిస్థితి ఎలా ఉంటుంది.. ఆ స్పీచ్ కు ఫిదా అయిపోరా..? మహబూబ్ నగర్ జిల్లా అమిస్తాపూర్ రైతు పండుగ సభలో సీఎం రేవంత్ తన దైన మార్క్ చూపించారు.

తన స్పీచ్‌లో సీనియర్లకు ఫుల్‌ మార్క్స్‌ వేశారు సీఎం రేవంత్. సీనియర్‌ మంత్రులతో పోలిస్తే తాను జూనియర్‌ని అని చెప్పుకుంటూనే, పాలమూరు బిడ్డ సీఎం అవడానికి సీనియర్ల సహకారమే కారణమంటూ వారిని ఆకాశానికి ఎత్తేశారు. వయసులో చిన్నవాడిని అయినా.. మీ ఆశీర్వాదంతో సీఎం కుర్చీ పాలమూరు బిడ్డకు ఇచ్చారంటూ సీఎం రేవంత్ రెడ్డి పేర్కొన్నారు. ఏనాడు మంత్రిగా, కేంద్ర మంత్రిగా పనిచేయలేదన్నారు.. అయిప్పటికీ.. సీనియర్లు తనను ఆదరించారంటూ తన మార్క్ ప్రసంగంతో సీఎం అందరిని ఆకట్టుకోవడంతోపాటు.. కాంగ్రెస్ కేడర్ సరికొత్త జోష్ నింపారు.. రైతులకు బోనస్ ప్రకటించిన ఘనత, మంత్రి ఉత్తమ్‌కే(uttam) దక్కుతుందన్నారు రేవంత్‌ రెడ్డి.. ఆయన మన పాలమూరు అల్లుడు అంటూ పొగడ్తలతో ముంచెత్తారు. అధికారంలోకి వచ్చిన 10 నెలల్లోనే రైతు రుణమాఫీ చేయగలిగామంటే అదంతా డిప్యూటీ సీఎం, మంత్రి భట్టి విక్రమార్క(Bhatti vikramarka) చలవేనంటూ రేవంత్‌ రెడ్డి ప్రశంసించారు.

పాలమూరు అంటేనే మల్లు కుటుంబం అంటూ ఎంపీ మల్లు రవి, మంత్రి భట్టి విక్రమార్కపై ప్రశంసల జల్లు కురిపించారు సీఎం రెవంత్ రెడ్డి..మంత్రి దామోదర(damodara raja narsimha) అంటే తనకు ఇష్టం కాబట్టే…జిల్లాకు ఇన్‌చార్జిగా పెట్టుకున్నానంటూ మనసులో మాట బయటపెట్టారు రేవంత్‌ రెడ్డి.. కేకే(KK) గారు…మీ అనుభవం అంతా లేదు నా వయసు. సీనియర్‌ మంత్రుల సహకారం లేకుంటే అభివృద్ధి అస్సలు సాధ్యం కాదంటూ రేవంత్ రెడ్డి పేర్కొన్నారు.. మీ చప్పట్లే పాలమూరు అభివృద్ధికి మనం చేసే విజ్ఞప్తి అంటూ.. ప్రజల చేత సీనియర్లకు చప్పట్లు కొట్టించారు రేవంత్‌ రెడ్డి..పాలనలో.. అలా సహకరిస్తున్నారంటూ, క్రెడిట్‌ అంతా సీనియర్లకే అప్పగించారు సీఎం రేవంత్‌. టీ కాంగ్రెస్‌ పుస్తకంలో మొహబ్బత్‌ కీ దుకాన్‌ చాప్టర్‌కి శ్రీకారం చుట్టడంతోపాటు.. తనదైన మార్క్‌ ఏంటో చూపించారు సీఎం రేవంత్ రెడ్డి.. ఇలా అయితే.. ఎవరు మాత్రం పడిపోరు.. అంటూ తెలంగాణ కాంగ్రెస్ కేడర్ లో సీఎం రేవంత్ రెడ్డి ప్రసంగంపై చర్చ కొనసాగుతోంది..