ఆ వాలంటీర్లను విధుల నుంచి తొలగించాం : సీఈవో

ఎన్నికల నిబంధనలు ఉల్లంఘిస్తే ఎంతటివారినైనా వదిలిపెట్టే ప్రసక్తే లేదని ఆంధ్రప్రదేశ్‌ రాష్ట్ర ముఖ్య ఎన్నికల అధికారి ( సీఈవో) ముకేశ్‌కుమార్‌ మీనా అన్నారు.  ఈ సందర్భంగా ఆయన మీడియాతో మాట్లాడుతూ ఇప్పటి వరకు 46 మంది వాలంటీర్లు, ఒప్పంద ఉద్యోగులను విధుల నుంచి తొలగించామన్నారు. వాలంటీర్లు ఎన్నికల విధుల్లో పాల్గొంటే తీవ్ర చర్యలు ఉంటాయని మరోమారు స్పష్టం చేశారు. ప్రధాని కార్యక్రమంలో  భద్రతా లోపాలపై ఫిర్యాదు అందిందని,  కేంద్రానికి పంపినట్లు తెలిపారు. భద్రతా లోపాల అంశం హోంశాఖ పరిధిలో ఉందన్నారు. రాష్ట్రంలో  144 సెక్షన్‌ అమలవుతోందని, ఎలాంటి కార్యక్రమం  అయినా అనుమతులు తీసుకోవాల్సిందేనని పేర్కొన్నారు. రాజకీయ పార్టీలు సువిధ యాప్‌ ద్వారా అనుమతులు తీసుకోవాలని తెలిపారు.