కరోనా టీకా పరిశోధనల్లో మరో ఆశాకిరణం!

కరోనా టీకా (వ్యాక్సిన్‍) పరిశోధనల్లో మరో ఆశాకిరణం. ప్రత్యేకంగా కొన్ని ప్రొటీన్ల ఉత్పత్తికి దోహదపడే ప్రయోగాత్మక టీకా ఒకటి. మహమ్మారిని ప్రభావవంతంగా అడ్డుకోగలదని ఒహైయో వర్సిటీ పరిశోధనలో నిరూపితమైంది. జీవ కణాలను ఇన్ఫెక్షన్‍కు గురిచేయడానికి వైరస్‍లు రెండు రకాల ప్రొటీన్లను లక్ష్యంగా చేసుకుంటాయి. అయితే ఎలుకల్లో ఇవి అధిక మోతాదులో విడుదలయ్యేలా శాస్త్రవేత్తలు సెల్యులార్‍ ప్రాసెస్‍ చేపట్టారు. ఈ పక్రియ ద్వారా వాటిలో జన్ను సమాచారాన్ని ఫంక్షనల్‍ ప్రొటీన్లుగా మార్చే ఆర్‍ఎన్‍ఏ మెసెంజర్‍ అణువుల సీక్వెన్స్ (ఆన్‍ట్రాన్స్లేటెడ్‍ రీజియన్స్- యూటీఆర్‍)లో మార్పులు చోటుచేసుకున్నాయి. దీంతో ఈ ప్రొటీన్లు అధిక మోతాదులో విడుదలవ్వడమే కాకుండా, కొద్ది రోజుల్లోనే ఎలుకల్లో కొవిడ్‍ యాంటీబాడీలు అభివృద్ధి చెందాయి. ప్రస్తుతం చాలా టీకాలు మూడో దశ క్లినికల్‍ పరీక్షలు పూర్తి చేసుకుంటున్నా.. తమ ప్రయోగం కూడా వాటికి ఒక ప్రత్యామ్నాయాన్ని అందించగలదని పరిశోధనకర్త యుజో డాండ్‍ పేర్కొన్నారు.