US: భారత్ – అమెరికా సంబంధాలు చక్కదిద్దాలి.. ట్రంప్ కు అమెరికా చట్టసభ్యుల లేఖ..!

భారతీయ వస్తువులపై టారిఫ్ వడ్డన, హెచ్ 1 బీ వీసా పెంపుతో భారత్ , అమెరికా సంబంధాలు ఘోరంగా దెబ్బతిన్న పరిస్థితులు ఏర్పడ్డాయి. దీంతో అమెరికాలో ఉన్న చాలా మంది భారతీయులు.. ఉన్నపళంగా ఆ దేశాన్ని వదిలి పెట్టి, స్వస్థలాలకు వెళ్లాల్సి వస్తోంది. ఈపరిణామాలు అక్కడి ప్రవాస భారతీయుల్లో ఆందోళనలు రేకెత్తిస్తున్నాయి. ఈ సందర్భంగా అమెరికా అధ్యక్షుడు ట్రంప్ (Trump) కు.. 19 మంది కాంగ్రెస్ సభ్యుల బృందం.. ఓ వినతి చేసింది. భారతదేశం, అమెరికా (America) మధ్య దెబ్బతిన్న సంబంధాలను సరిచేయడానికి, “హానికరమైన” సుంకాల విధానాలను ఉపసంహరించేలా చర్యలు తీసుకోవాలని కోరారు.

భారతదేశంతో బలమైన కుటుంబ, సాంస్కృతిక , ఆర్థిక సంబంధాలను కొనసాగించే శక్తివంతమైన భారతీయ-అమెరికన్ సమాజాలు కలిగిన జిల్లాలకు ప్రాతినిధ్యం వహిస్తున్న కాంగ్రెస్ సభ్యులుగా మేము ఈ లేఖ రాస్తున్నాము. ఇటీవల మీరు తీసుకున్న చర్యలు ప్రపంచంలోని అతిపెద్ద ప్రజాస్వామ్యంతో సంబంధాలను దెబ్బతీశాయి, రెండు దేశాలకు మధ్య ప్రతికూల పరిణామాలను సృష్టించాయి” అని చట్టసభ్యులు లేఖలో స్పష్టం చేశారు. “ఈ కీలకమైన భాగస్వామ్యాన్ని పునరుద్ధరించడానికి మరియు సరి చేయడానికి తక్షణ చర్యలు తీసుకోవాలని మేము మిమ్మల్ని కోరుతున్నాము.”

అమెరికా-భారతదేశం వాణిజ్య సంబంధం రెండు దేశాలలో లక్షలాది ఉద్యోగాలకు మద్దతు ఇస్తుందని చట్టసభ్యులు నొక్కి చెప్పారు. పెరుగుతున్న సుంకాలు… చైనా ,రష్యాతో సన్నిహిత సంబంధాలను ఏర్పరచుకునేలా భారత్ పై ఒత్తిడి పెంచుతాయన్నారు. ఫలితంగా అమెరికన్ పోటీతత్వాన్ని బలహీనపరిచే ప్రమాదం ఉందని వారు హెచ్చరించారు.స్వేచ్ఛాయుతమైన , బహిరంగ సమాజాలు.. సహకారం మరియు పరస్పర గౌరవం ద్వారా అభివృద్ధి చెందుతాయని మన భాగస్వామ్యం ప్రపంచానికి నిరూపిస్తుంది” అని అన్నారు.

అక్టోబర్ 8, 2025న, ఇండియన్ అమెరికన్ కాంగ్రెస్ సభ్యుడు రో ఖన్నా, డి-కాలిఫోర్నియా ప్రతినిధి డెబోరా రాస్, డి-నార్త్ కరోలినా, 19 మంది కాంగ్రెస్ సభ్యుల బృందం … ట్రంప్ కు లేఖ రాసింది.

భారతీయ వస్తువులపై సుంకాలను 50 శాతం వరకు పెంచుతూ అధ్యక్షుడి నిర్ణయం…భారతదేశంతో సంబంధాలను దెబ్బతీసిందని …అమెరికన్ వినియోగదారులు , తయారీదారులను ఇబ్బందుల పాలు చేస్తోందన్నారు.ఈ లేఖపై బ్రాడ్ షెర్మాన్, మార్క్ ఎ. వీసీ, వాలెరీ పి. ఫౌషీ, సిడ్నీ కమ్లేగర్ డోవ్, రాజా కృష్ణమూర్తి, ఎరిక్ స్వాల్వెల్, సుహాస్ సుబ్రమణ్యం, హెన్రీ సి. “హాంక్” జాన్సన్, జూనియర్, జోనాథన్ ఎల్. జాక్సన్, ఫ్రాంక్ పల్లోన్, జూనియర్, డానీ కె. డేవిస్, ప్రమీలా జయపాల్, సుసాన్ కె. డెల్బెనే, జూలీ జాన్సన్, జిమ్మీ పనెట్టా, థామస్ ఆర్. సుయోజ్జి, జాన్ షాకోవ్స్కీ, శ్రీ థానేదార్ మరియు సామ్ టి. లికార్డో సంతకాలు చేశారు..