TANA: అట్లాంటాలో తానా పికిల్‌ బాల్‌ టోర్నమెంట్‌ విజయవంతం

తానా (TANA) మహాసభలను పురస్కరించుకుని జూన్‌ 22న గ్రేటర్‌ అట్లాంటా (Atlanta) ఆల్ఫారెట్టాలోని ఫోర్టియస్‌ స్పోర్ట్స్‌ అకాడమీలో జరిగిన తానా పికిల్‌బాల్‌ టోర్నమెంట్‌ విజయవంతమైంది. ఈ టోర్నమెంట్‌ లో 50కి పైగా టీమ్‌ లు పాల్గొన్నాయి. ఈ టోర్నమెంట్‌ విజయవంతానికి తానా నాయకులు, వలంటీర్లు కృషి చేశారు.

తానా మాజీ అధ్యక్షుడు అంజయ్య చౌదరి లావు ఈ టోర్నమెంట్‌ నిర్వహణకు అవసరమైన దిశానిర్దేశం చేయగా, బోర్డ్‌ డైరెక్టర్‌ శ్రీనివాస్‌ లావు మార్గదర్శకత్వం చేశారు. భరత్‌ మద్దినేని (కోశాధికారి), వినయ్‌ మద్దినేని (ఫౌండేషన్‌ కోశాధికారి), కిరణ్‌ గోగినేని (ఫౌండేషన్‌ జాయింట్‌ కోశాధికారి), మధుకర్‌ యార్లగడ్డ (ప్రాంతీయ ప్రతినిధి – సౌత్‌ ఈస్ట్‌) టోర్నమెంట్‌ను పర్యవేక్షించారు తానా స్పోర్ట్స్‌ కోఆర్డినేటర్‌ నాగ పంచుమర్తి టోర్నమెంట్‌ రూపకల్పనతోపాటు సజావుగా జరిగేలా చూశారు. చలమయ్య బచ్చు, లక్కీ, ఉదయ్‌ తదితరులు టోర్నమెంట్‌ విజయానికి అవసరమైన మద్దతును అందించారు. వీరితోపాటు ఈ టోర్నమెంట్‌ విజయానికి సహకరించిన సోహిని అయినాల (మహిళా సేవల సమన్వయకర్త), శశి దగ్గుల, చందు, లక్ష్మి, ఉదయ్‌, ఎజెలకు కూడా తానా నాయకులు ధన్యవాదాలు తెలియజేశారు.

Click here for Photogallery