డబ్ల్యూహెచ్‍వో ను బెదిరించిన చైనా!

కరోనా వైరస్‍ విషయమై ప్రపంచాన్ని అప్రమత్తం చేయకుండా ప్రపంచ ఆరోగ్య సంస్థ (డబ్ల్యూహెచ్‍వో)ను నిలువరించేందుకు చైనా ప్రయత్నించినట్టు అమెరికా నిఘా సంస్థ సెంట్రల్‍ ఇంటెలిజెన్స్ ఏజెన్సీ (సీఐఏ) పేర్కొంది. ఈ వివరాలన్నింటిని సీఐఏ తన తాజా నివేదికలో పొందుపరిచినట్టు తెలిసింది. వైరస్‍ విషయమై ప్రపంచ వ్యాప్త ఆరోగ్య అత్యయిక పరిస్థితిని ప్రకటిస్తే, మేము అందించే సహకారాన్ని నిలిపేస్తాం అని డబ్ల్యూహెచ్‍వోను చైనా బెదిరించినట్టు వివరించింది. జనవరిలో వైరస్‍ కేసులు చైనాలో విపరీతంగా ప్రబలుతున్నపుడు ఈ పరిణామం చోటుచేసుకున్నట్టు తెలిపింది. వైరస్‍ వ్యాప్తికి చైనాయే బాధ్యత వహించాలని అమెరికా అధ్యక్షుడు డొనాల్డ్ ట్రంప్‍ పదేపదే డిమాండ్‍ చేస్తున్న క్రమంలో ఈ నివేదిక ప్రాధాన్యం సంతరించుకుంది.