#Clut Look : మాస్ కా దాస్ విశ్వక్సేన్, తారక్ సినిమాస్ గ్లోబల్ ఫిల్మ్ #CULT పవర్ ఫుల్ ఫస్ట్ లుక్ రిలీజ్
- Published By: Rambabu Varma
- February 19, 2026 / 08:08 PM IST
మాస్ కా దాస్ విశ్వక్సేన్ మరోసారి బౌండరీస్ ని దాటి ఎక్సయిటింగ్ ప్రాజెక్ట్తో వస్తున్నారు. ఫలక్నుమా దాస్, దాస్ కా ధమ్కీ వంటి చిత్రాలతో హీరో, దర్శకుడు, నిర్మాత, రచయితగా ఆకట్టుకున్న విశ్వక్సేన్ ఇప్పుడు తన స్వీయ రచన, దర్శకత్వంలో #CULT తో రాబోతున్నారు. తారక్ సినిమాస్ బ్యానర్ పై సందీప్ కాకరాల ఈ చిత్రాన్ని నిర్మిస్తున్నారు. భారతదేశంలో తొలి స్లాషర్ ఫిల్మ్గా రూపొందుతున్న ఈ సినిమా టాలీవుడ్లో ఇప్పటివరకు చూడని కొత్త ప్రయత్నంగా నిలవనుంది. ఈరోజు, మేకర్స్ ఫస్ట్ లుక్ పోస్టర్ను రిలీజ్ చేశారు.
ఫస్ట్ లుక్ పోస్టర్లో విశ్వక్సేన్ సూట్ ధరించి, నోట్లో సిగరెట్తో ముందుకు నడుస్తూ కనిపిస్తున్నారు. అతని చేతిలో రక్తంతో తడిసిన గొడ్డలి ఉండగా, అతడు వేసే ప్రతి అడుగుతో రక్తం వ్యాపిస్తూ పోస్టర్కు డార్క్ టోన్ను తీసుకొచ్చింది. ఈ పోస్టర్ మొత్తం చూస్తే వైలెంట్, స్టైలిష్, బోల్డ్ అనుభూతిని కలిగిస్తూ డిఫరెంట్ సినిమాటిక్ ఎక్స్ పీరియన్స్ అందిస్తోంది. ఈ చిత్ర టీజర్ను ఫిబ్రవరి 21న విడుదల చేయనున్నారు.
#CULTతో విశ్వక్సేన్ మరో పెద్ద అడుగు వేస్తూ 40 మంది కొత్త నటీనటులను ఇండస్ట్రీకి పరిచయం చేస్తున్నాడు.గాయత్రి భరద్వాజ్, తారక్ పొన్నప్ప, మురళీ శర్మ, శ్రీకాంత్ అయ్యంగర్, కార్తికేయ, అనిరుధ్ భాస్కర్, EZY, యజ్ఞ తుర్లపాటి, కబీర్ భారతీయ, విశాక్ నాయర్, చేపూరి వివేక్ కీలక పాత్రలు పోషిస్తున్నారు.
ఈ చిత్రానికి టాప్ టెక్నికల్ టీమ్ పని చేస్తోంది. తరుణ్ భాస్కర్ డైలాగ్స్ రాస్తుండగా, రవి బస్రూర్ మ్యూజిక్ అందిస్తున్నారు. సినిమాటోగ్రఫీకి అర్వింద్ విశ్వనాథన్, ఎడిటర్ రవితేజ గిరిజాల, ప్రొడక్షన్ డిజైన్కు అర్వింద్ ములే.
ప్రపంచవ్యాప్తంగా ప్రేక్షకులను దృష్టిలో పెట్టుకుని #CULTను తెలుగు, హిందీ, జపనీస్, స్పానిష్, ఇంగ్లీష్ భాషల్లో మల్టీలింగ్వల్గా విడుదల చేయనున్నారు.
Related News
Mansion House Mallesh: శ్రీనాథ్ మాగంటి ‘మెన్షన్ హౌస్ మల్లేష్’ నుంచి బిత్తరి సత్తి పాడిన మింగలేక మంగళారాం సాంగ్ రిలీజ్
Toxic Teaser: కొత్త పోస్టర్తో అంచనాలు పెంచిన రాకింగ్ స్టార్ యశ్.. ఫిబ్రవరి 20న ‘టాక్సిక్’ టీజర్
Nawab Cafe Pre Release: ఆడియెన్స్ ఇచ్చే టైం, పెట్టే మనీకి న్యాయం చేసేలా మా సినిమా ఉంటుంది.. ‘నవాబ్ కేఫ్’ ప్రీ రిలీజ్ ప్రెస్ మీట్లో హీరో శివ కందుకూరి
Bukee Producer Interview: ‘బూకి’యూత్ తో పాటు ఫ్యామిలీకి కనెక్ట్ అయ్యే సినిమా. ఆడియన్స్ థియేటర్స్ లో ఖచ్చితంగా ఎంజాయ్ చేస్తారు: నిర్మాత రామాంజనేయులు జవ్వాజీ
Hey Balavanth: ‘హే బల్వంత్’తో కచ్చితంగా హిట్టు కొట్టబోతోన్నాం.. వంశీ నందిపాటి
