ATA: ఆటా, ఐఐటీ ఆధ్వర్యంలో స్టార్టప్‌ ఛాలెంజ్‌
- Published By: techteam
- November 30, 2025 / 10:27 AM IST
గత పదేళ్లుగా అమెరికా, భారత్‌లలో ఎంటర్‌ప్రెన్యూర్‌షిప్‌ను ప్రోత్సహిస్తూ, వ్యాపారాలకు మద్దతు ఇస్తున్న అమెరికా తెలుగు సంఘం (ATA) మరో కీలక కార్యక్రమానికి శ్రీకారం చుట్టింది. తెలుగు రాష్ట్రాల్లో నిర్వహించే ఆటా వేడుకలు-2025లో భాగంగా ఇండియన్‌ ఇన్‌ స్టిట్యూట్‌ ఆఫ్‌ టెక్నాలజీ (ఐఐటీ) హైదరాబాద్‌, భారత ప్రభుత్వ మైటీ స్టార్టప్‌ హబ్‌ (ఎంఎస్‌ హెచ్‌) భాగస్వామ్యంతో హైదరాబాద్‌లో ఒక భారీ స్టార్టప్‌ ఛాలెంజ్‌ నిర్వహించనుంది. అమెరికా, భారత్‌కు చెందిన పలు వెంచర్‌ క్యాపిటల్‌ సంస్థలు, యూఎస్‌ వ్యాపార యజమానులు, టెక్నాలజీ, బిజినెస్‌ ప్రొఫెసర్లు పాల్గొననున్నారు. ఈ పోటీలో పాల్గొనడానికి ఆసక్తి ఉన్న స్టార్టప్‌ కంపెనీలు డిసెంబర్‌ 6లోపు తమ పిచ్‌ డెక్‌ను startups@ataworld.org కు సమర్పించాలి. షార్ట్‌లిస్ట్‌ చేసిన పది స్టార్టప్‌లు డిసెంబర్‌ 13న ఐఐటీ హైదరాబాద్‌ క్యాంపస్‌లో తమ ప్రజెంటేషన్‌ ఇవ్వాల్సి ఉంటుంది. విజేతలైన మొదటి మూడు కంపెనీలకు నగదు బహుమతులు, అమెరికాలో జరిగే తదుపరి పోటీలో పాల్గొనే అవకాశం లభిస్తుంది. షార్ట్‌లిస్ట్‌ అయిన పది కంపెనీలకూ ఫండిరగ్‌, మెంటర్‌షిప్‌ లభించే అవకాశం ఉంది.
ఈ కార్యక్రమాన్ని ఐఐటీ హైదరాబాద్‌ తరఫున డైరెక్టర్‌ ప్రొఫెసర్‌ మూర్తి, డీన్‌ ఆఫ్‌ ఇన్నోవేషన్‌ ప్రొఫెసర్‌ మల్లా రెడ్డి సమన్వయం చేస్తున్నారు. భారత ప్రభుత్వ ఎంఎస్‌హెచ్‌ సీఈఓ డాక్టర్‌ పన్నీర్‌సెల్వం, మదనగోపాల్‌ కీలకోపన్యాసం అందించి, ఫైనలిస్ట్‌ కంపెనీలకు వనరులను అందించనున్నారు.
ఆటా అధ్యక్షుడు జయంత్‌ చల్లా, ప్రెసిడెంట్‌-ఎలక్ట్‌ సతీష్‌ రెడ్డి, స్టార్టప్‌ చైర్‌ లాక్స్‌ చేపూరి, తదితరులు ఈ కార్యక్రమాన్ని పర్యవేక్షిస్తున్నారు. మరింత సమాచారం కోసం: https://americanteluguassociation.org/startup-competition.php లింకులో చూడవచ్చు.
