ఎర్రబెల్లి దయాకర్రావుకు ఆటా ఆత్మీయ సత్కారం
- Published By: Govindarajan
- July 11, 2026 / 06:15 PM IST
అమెరికా తెలుగు సంఘం (ఆటా) వర్జీనియాలో జరిగిన ఓ కార్యక్రమంలో మాజీ మంత్రి ఎర్రబెల్లి దయాకర్ రావును ఘనంగా సత్కరించింది. ఆయన పుట్టినరోజును పురస్కరించుకుని ఆటా కోర్ టీమ్ సభ్యులు ఓ వేడుకను నిర్వహించారు. స్కై సొల్యూషన్స్ వేదికగా జరిగిన ఈ కార్యక్రమాన్ని అనిల్ బోయినపల్లి నిర్వహించారు. ఈ వేడుకకు ఆటా ప్రెసిడెంట్ జయంత్ చల్లా, కాన్ఫరెన్స్ కోఆర్డినేటర్లు రవి చల్లా, జీనత్ కుందూర్, అలాగే ఆటా కోర్ టీమ్ సభ్యులు, పలువురు శ్రేయోభిలాషులు హాజరయ్యారు. ఒకరినొకరు కలుసుకోవడానికి, మిత్రత్వాలను మరింత బలోపేతం చేసుకోవడానికి మరియు రాబోయే 19వ ఆటా కాన్ఫరెన్స్, యూత్ కన్వెన్షన్ యొక్క ఉత్సాహభరితమైన ఏర్పాట్లపై చర్చించడానికి ఈ కార్యక్రమం ఒక అద్భుతమైన వేదికగా నిలిచింది.
ఈ కార్యక్రమాన్ని అద్భుతంగా నిర్వహించడమే కాకుండా, విచ్చేసిన వారందరికీ సాదరంగా ఆతిథ్యం ఇచ్చి, ఈ సాయంత్రాన్ని చిరస్మరణీయంగా మార్చిన అనిల్ బోయినపల్లికి అందరూ హృదయపూర్వక కృతజ్ఞతలు తెలియజేశారు. ఈ సందర్భంగా పలువురు దయాకర్ రావుకు జన్మదిన శుభాకాంక్షలు తెలియజేశారు. దయాకర్ రావు కూడా ఆటా ప్రెసిడెంట్ జయంత్ చల్లా దంపతులను కూడా సత్కరించారు. ఈ సందర్భంగా జులై 31 నుండి ఆగస్టు 2, 2026 వరకు బాల్టిమోర్ లో జరగనున్న 19వ ఆటా మహాసభలకు అందరూ రావాలని ఆహ్వానించారు.
