పవన్-సురేందర్ రెడ్డి మూవీపై వక్కతం వంశీ క్లారిటీ
- Published By: techteam
- December 8, 2023 / 09:35 PM IST
పవన్ చేతిలో ప్రస్తుతం మూడు సినిమాలున్నాయి. ఇందులో ఏదీ పూర్తి కాలేదు. పవన్ డేట్స్ అడ్జస్ట్ చేస్తే ఓజీ, ఉస్తాద్ భగత్సింగ్ సినిమాలు త్వరగా పూర్తవుతాయి. కానీ రాజకీయ పరిస్థితుల దృష్ట్యా పవన్ బిజీ అవడంతో ఈ సినిమాలు ఎప్పుడు పూర్తవుతాయనేది ఎవరికీ తెలియని పరిస్థితులు కనిపిస్తున్నాయి.
సిట్యుయేషన్స్ చూస్తుంటే పవన్ ఈ సినిమాలన్నింటినీ ఏపీ ఎలక్షన్స్ తర్వాతే పూర్తి చేసేలా కనిపిస్తున్నాడు. అయితే పవన్ ఈ మూడు సినిమాలతో పాటూ సురేందర్ రెడ్డి దర్శకత్వంలో మరో సినిమా కోసం రామ్ తాళ్లూరి దర్శకత్వంలో ఓ సినిమాకు కూడా గ్రీన్ సిగ్నల్ ఇచ్చిన విషయం తెలిసిందే. ఈ సినిమాకు పవన్ ఇప్పటికే అడ్వాన్స్ కూడా తీసుకున్నాడని టాక్.
ఆల్రెడీ మొదలైన సినిమాలనే పూర్తి చేయలేక పోతుంటే ఇక కొత్త సినిమాలా అనుకుంటున్న టైమ్ లో సురేందర్ రెడ్డి-పవన్ కాంబోలో రానున్న సినిమా గురించి, దానికి కథ అందిస్తున్న వక్కంతం వంశీ రీసెంట్ గా ఓ ఇంటర్వ్యూలో మాట్లాడాడు. కథ చెప్పినప్పుడు పవన్ చాలా ఎగ్జైట్ అయ్యాడని, ఎప్పుడు చేద్దామని అడిగినట్లు తెలిపాడు. ఈ సినిమా తప్పకుండా చేస్తానని పవన్, సురేందర్ రెడ్డికి మాటిచ్చినట్లు వంశీ తెలిపాడు.
