Ustaad Bhagath Singh: ఉస్తాద్ భ‌గ‌త్ సింగ్ మ్యూజిక్ సిట్టింగ్స్ స్టార్ట్

ప‌వ‌న్ క‌ళ్యాణ్(pawan kalyan) హీరోగా హ‌రీష్ శంక‌ర్(harish shankar) ద‌ర్శ‌క‌త్వంలో రానున్న సినిమా ఉస్తాద్ భ‌గ‌త్ సింగ్(ustaad bhagath singh). ఎప్పుడో సెట్స్ పైకి వెళ్లిన ఈ సినిమా ప‌వ‌న్ క‌ళ్యాణ్ రాజ‌కీయాల్లో బిజీ అవ‌డం వ‌ల్ల ఆగిపోయింది. ఇప్పుడు ప‌వ‌న్ తాను ఒప్పుకున్న సినిమాల‌ను ఒక్కొక్క‌టిగా పూర్తి చేసుకుంటూ వ‌స్తున్న నేప‌థ్యంలో ఉస్తాద్ భ‌గ‌త్ సింగ్ కు డేట్స్ ఇచ్చారు. దీంతో మ‌ళ్లీ ఉస్తాద్ భ‌గ‌త్‌సింగ్ షూటింగ్ తిరిగి ప్రారంభ‌మైంది.

రీజ‌న‌ల్ మాస్ మూవీగా తెర‌కెక్కుతున్న ఉస్తాద్ భ‌గ‌త్ సింగ్ సినిమాపై అంద‌రికీ మంచి అంచ‌నాలున్నాయి. హ‌రీష్ శంక‌ర్, ప‌వ‌న్ క‌ళ్యాణ్ కాంబినేష‌న్ లో గ‌బ్బ‌ర్ సింగ్(gabbar singh) త‌ర్వాత వ‌స్తున్న సినిమా కావ‌డంతో ఈ మూవీ కోసం అంద‌రూ ఎంత‌గానో ఎదురుచూస్తున్నారు. శ్రీలీల(sree Leela) హీరోయిన్ గా న‌టిస్తున్న ఈ సినిమా షూటింగ్ ప్ర‌స్తుతం ఎంతో వేగంగా జ‌రుగుతుంది.

అయితే ఇప్పుడు హ‌రీష్ శంక‌ర్ ఉస్తాద్ భ‌గ‌త్ సింగ్ సినిమాపై ఓ అప్డేట్ ను ఇచ్చాడు. ఈ సినిమా కోసం రాక్ స్టార్ దేవీ శ్రీ ప్రసాద్(devi Sri prasad) మ్యూజిక్ వ‌ర్క్స్ ను స్టార్ట్ చేసిన‌ట్టు ఓ ఫోటోను త‌న ఇన్‌స్టాలో పోస్ట్ చేశాడు హ‌రీష్ శంక‌ర్. దీన్ని బ‌ట్టి చూస్తుంటే ఈ సినిమాకు సంబంధించిన ప‌నులు వేగ‌వంతం అయ్యాయ‌ని తెలుస్తోంది. మైత్రీ మూవీ మేక‌ర్స్(Mythri Movie makers) నిర్మిస్తున్న ఈ సినిమాను నెక్ట్స్ ఇయ‌ర్ రిలీజ్ చేయాల‌ని నిర్మాత‌లు స‌న్నాహాలు చేస్తున్నారు.