సినిమా ఫట్ సాంగ్ రికార్డు బ్రేక్ : వంద కోట్ల వ్యూస్ తో ‘రౌడీ బేబీ’ సాంగ్

ఇండియన్ సినిమా చరిత్రలోనే సరికొత్త రికార్డు క్రియేట్ చేసిన పాట ‘రౌడీ బేబీ’ ప్రభుదేవా కొరియోగ్రాఫర్ గా  ధనుష్, సాయిపల్లవి కలిసి చేసిన మారి2లోని రౌడీ బేబీ సాంగ్ మరో ఘనత సాధించింది. యూట్యూబ్‌లో 100కోట్ల వ్యూస్ దక్కించుకున్న తొలి సినిమా సాంగ్‌గా రికార్డు నెలకొల్పింది. ధనుష్, సాయిపల్లవి జంటగా తెరకెక్కిన ‘మారి 2’ సినిమా ఆశించినంతగా ప్రేక్షకులను ఆకట్టుకోలేకపోయింది. అయితే అందులోని ‘రౌడీ బేబీ’ సాంగ్ మాత్రం సోషల్‌ మీడియాలో దుమ్ము రేపుతూనే ఉంది. రోజులు గడుస్తున్నా వీక్షకులకు అస్సలు బోర్ కొట్టకుండా రికార్డుల మీద రికార్డులు క్రియేట్ చేస్తూనే ఉంది. తాజాగా ఈ రౌడీ బేబీ సాంగ్ యూట్యూబ్‌లో బిలియన్(100 కోట్లు) మార్క్ వ్యూస్ దాటేసింది. 

ఇప్పటి వరకు ప్రపంచ వ్యాప్తంగా యూట్యూబ్ లో రికార్డు సాధించిన ఇంగ్లీష్  సాంగ్ Luis  Fonsi – Despacito ft. Daddy Yankee 706 కోట్ల వ్యూస్ లభించాయి. అయితే ఆ పాట ను 2017 లో పోస్ట్ చేసారు. జనవరి 2019 లో పోస్ట్ చేసిన రౌడీ బేబీ సాంగ్  ఒక ప్రాంతీయ భాషలో  100కోట్ల వ్యూస్ రావడమనేది మాములు విషయం కాదు  ఈ సందర్భంగా హీరోయిన్ సాయిపల్లవి, చిత్రనిర్మాణ సంస్థ ట్విట్టర్ వేదికగా ఆనందం వ్యక్తం చేశారు.‘మారి 2’ సినిమాకు యువన్ శంకర్ రాజా సంగీతం అందించగా, బాలాజీ మోహన్ దర్శకత్వం వహించారు. రౌడీ బేబీ పాటకు ప్రభుదేవా కొరియోగ్రఫీ చేశారు. ఇందులో సాయిపల్లవి, ధనుష్ డ్యాన్స్‌ను ప్రేక్షకులు ఫిదా అయిపోయారు. ఎన్నిసార్లు చూసినా ఫ్రెష్‌గా కనిపించడం ఆ సాంగ్ ప్రత్యేకత. అందుకే యూట్యూబ్‌లో 100 కోట్ల వ్యూస్ వచ్చిన తొలి సౌత్ సినిమా పాటగా ఘనత సాధించింది.