Ustaad Bhagath Singh: ఉస్తాద్ భ‌గ‌త్ సింగ్ లో మ‌రో హీరోయిన్

ప‌వ‌ర్ స్టార్ ప‌వ‌న్ క‌ళ్యాణ్(pawan Kalyan) హీరోగా ప‌లు సినిమాలు క‌మిట్ అయిన విష‌యం తెలిసిందే. అందులో మెల్లిగా ఒక్కో సినిమాను పూర్తి చేస్తూ వ‌స్తున్న ప‌వ‌న్, హ‌రి హ‌ర వీర‌మ‌ల్లు(Hari Hara Veera Mallu)ను రిలీజ్ కు రెడీ చేస్తున్నారు. దాంతో పాటూ ఓజీ(OG) సినిమాను కూడా పూర్తి చేసిన ప‌వ‌న్, మ‌రోవైపు ఉస్తాద్ భ‌గ‌త్‌సింగ్(Ustaad Bhagath Singh) షూటింగ్ లో కూడా పాల్గొంటూ వ‌స్తున్నారు.

హ‌రీష్ శంక‌ర్(Harish Shankar) ద‌ర్శ‌క‌త్వంలో తెర‌కెక్కుతున్న ఈ సినిమాపై అంద‌రికీ మంచి అంచ‌నాలున్నాయి. ఆల్రెడీ వీరిద్ద‌రి కాంబినేష‌న్ లో గ‌తంలో గ‌బ్బ‌ర్ సింగ్(Gabbar Singh) సినిమా రాగా ఆ సినిమా మంచి హిట్ గా నిలిచింది. ఇప్పుడు మ‌రోసారి వీరిద్ద‌రూ క‌లిసి చేస్తున్న సినిమా కావ‌డంతో ఉస్తాద్ భ‌గ‌త్‌సింగ్ పై భారీ అంచ‌నాలున్నాయి. ఈ సినిమాలో శ్రీలీల(Sree Leela) హీరోయిన్ గా న‌టిస్తున్న సంగ‌తి తెలిసిందే.

తాజా స‌మాచారం ప్ర‌కారం ఈ సినిమాలో శ్రీలీలతో పాటూ మ‌రో హీరోయిన్ కూడా న‌టిస్తున్న‌ట్టు వార్త‌లొస్తున్నాయి. ఆమె మ‌రెవ‌రో కాదు, బ‌బ్లీ బ్యూటీ రాశీ ఖ‌న్నా(Raashi Khanna). ప‌వ‌న్, రాశీ కాంబినేష‌న్ లో ఇప్ప‌టివ‌ర‌కు సినిమా వ‌చ్చింది లేదు. ఇన్నేళ్ల త‌ర్వాత వీరిద్ద‌రూ క‌లిసి న‌టిస్తుండ‌టంతో వీరి జంట ఎలా ఉంటుందోన‌ని ఫ్యాన్స్ చాలా ఆతృత‌గా ఉన్నారు. మైత్రీ మూవీ మేక‌ర్స్(Mythri Movie Makers) నిర్మిస్తున్న ఈ సినిమాకు దేవీ శ్రీ ప్ర‌సాద్(Devi Sri Prasad) సంగీతం అందిస్తున్నారు.