Coolie: 4 వారాల‌కే ఓటీటీలోకి వ‌చ్చిన క్రేజీ సినిమా

ర‌జినీకాంత్(rajinikanth) హీరోగా లోకేష్ క‌న‌గ‌రాజ్(lokesh kanagaraj) ద‌ర్శ‌క‌త్వంలో తెర‌కెక్కిన యాక్ష‌న్ థ్రిల్ల‌ర్ కూలీ(coolie). భారీ అంచ‌నాల‌తో వ‌చ్చిన ఈ మూవీ ఆగ‌స్ట్ 14న ఆడియ‌న్స్ ముందుకొచ్చింది. రిలీజ్ కు ముందే టీజ‌ర్, ట్రైల‌ర్ల ద్వారా భారీ హైప్ తెచ్చుకున్న కూలీ రిలీజయ్యాక మాత్రం ఆశించిన రిజ‌ల్ట్ ను అందుకోలేదు. త‌మిళ ఇండ‌స్ట్రీ నుంచి రూ.1000 కోట్ల మూవీ ఇదేన‌ని అంద‌రూ ముందు అనుకున్నారు.

కానీ రిలీజ్ త‌ర్వాత కూలీకి మిక్డ్స్ టాక్ వ‌చ్చింది. మిక్డ్స్ టాక్ తోనే కూలీకి రూ.500 కోట్ల‌కు పైగా గ్రాస్ అందుకుని కొత్త రికార్డుల‌ను క్రియేట్ చేసింది. అయితే కోలీవుడ్ లో కూలీకి మంచి వ‌సూళ్లు వ‌చ్చిన‌ప్ప‌టికీ తెలుగు, మ‌ల‌యాళ‌, క‌న్న‌డ భాష‌ల్లో మాత్రం బ‌య్య‌ర్ల‌కు, డిస్ట్రిబ్యూట‌ర్ల‌కు ఆశించిన లాభాలు ద‌క్క‌లేదు. కాగా ఈ మూవీ ఇప్పుడు థియేట్రిక‌ల్ ర‌న్ ముగించుకుంది.

తాజాగా కూలీ సినిమా ఇప్పుడు ఓటీటీలోకి వ‌చ్చేసింది. కూలీ మూవీ ఓటీటీ రైట్స్ ను రిలీజ్ కు ముందే భారీ ధ‌ర‌కు ప్రైమ్ వీడియో(prime video) సొంతం చేసుకున్న సంగ‌తి తెలిసిందే. సెప్టెంబ‌ర్ 11 నుంచి ప్రైమ్ వీడియోలో కూలీ స్ట్రీమింగ్ కు రాగా, రిలీజ్ అయిన 28 రోజుల‌కే కూలీ ఓటీటీ స్ట్రీమింగ్ కు రావ‌డంతో నెటిజ‌న్లు దాని గురించి పోస్టులు పెడుతున్నారు. మ‌రి ఓటీటీలో కూలీకి ఎలాంటి రెస్పాన్స్ వ‌స్తుందో చూడాలి.