Puri Sethupathi: అస‌లు ప‌ని మొద‌లుపెట్టిన పూరీ

డైరెక్ట‌ర్ పూరీ జ‌గ‌న్నాథ్(Puri Jagannadh) గ‌త కొన్ని సినిమాలుగా దారుణ‌మైన ఫ్లాపుల్లో ఉన్నాడు. లైగ‌ర్(Liger), డ‌బుల్ ఇస్మార్ట్(Double ismart) సినిమాల‌తో డిజాస్ట‌ర్లుగా అందుకున్న పూరీ(Puri) త‌న నెక్ట్స్ సినిమాను ఎవ‌రితో చేస్తాడా అని అంద‌రూ ఎంతో ఆశ‌గా ఎదురుచూశారు. అంద‌రి అంచ‌నాల‌ను తారు మారు చేస్తూ ఈసారి పూరీ త‌మిళ స్టార్ న‌టుడైన విజ‌య్ సేతుపతి(Vijay Sethupathi)కి క‌థ చెప్పి మెప్పించి ఆయ‌న్ని ఒప్పించారు.

ఉగాది సంద‌ర్భంగా మేక‌ర్స్ ఈ సినిమాను అనౌన్స్ చేయ‌గా, ఆ త‌ర్వాత చిత్ర యూనిట్ క్యాస్టింగ్ ప‌నుల్లో బిజీగా ఉన్నారు. కాగా తాజాగా ఈ సినిమాకు సంబంధించిన రెగ్యుల‌ర్ షూటింగ్ ను ప్రారంంభించారు. హైద‌రాబాద్ లో వేసిన స్పెష‌ల్ సెట్స్ లో ఈ సినిమా షూటింగ్ మొద‌లైంది. ఈ షూటింగ్ లో విజ‌య్ సేతుప‌తి, అందాల భామ సంయుక్త మీన‌న్ కూడా పాల్గొన్నారు.

ఈ మొద‌టి షెడ్యూల్ లో చిత్రంలోని ప్ర‌ధాన తారాగణంపై ప‌లు కీల‌క సీన్స్ ను షూట్ చేసేందుకు చిత్ర యూనిట్ ప్లాన్ చేస్తోంది. ఈ సినిమాలో ట‌బు(Tabu), దునియా విజ‌య్(Duniya Vijay) కీల‌క పాత్రల్లో న‌టిస్తున్న‌ట్టు మేక‌ర్స్ ఇప్ప‌టికే అనౌన్స్ చేశారు. పూరీ క‌నెక్ట్స్(Puri Connects) బ్యాన‌ర్ లో ఛార్మీ కౌర్(Charmmee kaur), పూరీ జ‌గ‌న్నాథ్ ఈ సినిమాను నిర్మిస్తున్నారు. ఈ సినిమాతో ఎలాగైనా స్ట్రాంగ్ కంబ్యాక్ ఇవ్వాల‌ని పూరీ చాలా క‌సితో ఉన్నారు.