‘భీమ్లా నాయక్’ సెన్సార్ పూర్తి U/A సర్టిఫికేట్ తో ఫిబ్రవరి 25న విడుదలకు సిద్ధం
- Published By: techteam
- February 18, 2022 / 09:04 PM IST
పవర్ స్టార్ పవన్ కళ్యాణ్ ‘భీమ్లా నాయక్’ సినిమా ఈ రోజు సెన్సార్ పూర్తయ్యింది. సినిమాకు U/A సర్టిఫికేట్ వచ్చింది. సినిమా సెన్సార్ కార్య క్రమాలు కూడా పూర్తవడంతో సినిమా రావడంపై మరింత క్లారిటీ వచ్చినట్టే. ఈ ఫిబ్రవరి 25న పవర్ స్టార్ పవన్ కళ్యాణ్ టైటిల్ పాత్రలో నటించిన చిత్రం ‘భీమ్లా నాయక్’. ఈ సినిమా శివ రాత్రికి ముందుగా ఫిబ్రవరి 25న విడుదలవుతుంది. పవర్ స్టార్ సినిమా రిలీజ్ అంటే ఫ్యాన్స్లో, సినీ ప్రేమికుల్లో ఎలాంటి సందడి ఉంటుందో ప్రత్యేకంగా చెప్పనక్కర్లేదు. అలాంటి పండుగకు సమయం దగ్గర పడుతుండటంతో అందరూ ఎంతో ఆసక్తిగా ఎదురు చూస్తున్నారు. ‘భీమ్లా నాయక్’ సినిమా సెన్సార్ పూర్తయ్యింది. సినిమాకు యు/ఎ సర్టిఫికేట్ వచ్చింది.
సినిమా సెన్సార్ కార్య క్రమాలు కూడా పూర్తవడంతో సినిమా రావడంపై మరింత క్లారిటీ వచ్చినట్టే. ఈ సినిమా మలయాళ చిత్రం ‘అయ్యప్పనుమ్ కోశియుమ్’కు రీమేక్. మలయాళంలో సినిమా వ్యవథి మూడు గంటల పాటు ఉంటుంది. కానీ తెలుగులో సినిమా వ్యవథి రెండున్నర గంటల లోపే ఉండేలా జాగ్రత్తలు తీసుకున్నారట ‘భీమ్లా నాయక్’లో పవన్ కళ్యాణ్ టైటిల్ పాత్రలో పవర్ పుల్ పోలీస్ ఆఫీసర్ పాత్రలో కనిపించనున్నారు. ఆయనకు జోడీగా నిత్యా మీనన్ నటిచారు. అలాగే పవన్ కళ్యాణ్ పాత్రకు ధీటుగా రానా దగ్గుబాటి డానియల్ శేఖర్ పాత్రధారిగా మెప్పించబోతున్నారు. ఇద్దరి పాత్రలకు సంబంధించిన ప్రోమోలు ఇప్పటికే విడుదలై సెన్సేషన్ క్రియేట్ చేసిన సంగతి తెలిసిందే.అలాగే తమన్ సంగీతంలో పాటలు సినిమాపై ఉన్న అంచనాలను నెక్ట్స్ లెవల్కు తీసుకెళ్లాయి. ప్రముఖ నిర్మాణ సంస్థ సితార ఎంటర్టైన్మెంట్స్ బ్యానర్పై సూర్య దేవర నాగవంశీ నిర్మించిన ఈ చిత్రానికి సాగర్ కె.చంద్ర దర్శకుడు. ప్రముఖ దర్శకుడు, రైటర్ త్రివిక్రమ్ ఈ చిత్రానికి మాటలు, స్క్రీన్ప్లే అందించడంతో పాటు చక్కటి పాటను కూడా రాశారు.
