ముగియనున్న అన్ స్టాపబుల్ సీజన్ 2 ..?
- Published By: techteam
- February 2, 2023 / 02:48 PM IST
గాడ్ అఫ్ మాసెస్ నందమూరి బాలకృష్ణ కి మామూలు ఫాలోయింగ్ ఉండదు. హీరోగా అశేష ప్రేక్షకాభిమానాన్ని పొందిన బాలయ్య, ప్రముఖ ఓటీటీ దిగ్గజమైన ఆహా లో స్ట్రీమింగ్ అవుతున్న అన్ స్టాపబుల్ షో కి హోస్ట్ గా వ్యవహరిస్తున్న విషయం తెలిసిందే. ఈ షో తో ఇటు అభిమానులకి, అటు ప్రేక్షకులకి బాలయ్య బాబు మరింత చేరువయ్యాడు అనడంలో అతిశయోక్తి లేదు. అన్ స్టాపబుల్ తో తనలోని కొత్త కోణాన్ని ఆవిష్కరించాడు బాలకృష్ణ. సీజన్ 1 కి మంచి రెస్పాన్స్ రావడంతో, సీజన్ 2 ని స్టార్ట్ చేయడం జరిగింది.
అన్ స్టాపబుల్ సీజన్ 2 ని ప్రముఖ రాజకీయ నాయకుడైన నారా చంద్రబాబు నాయిడు తో ప్రారంభించిన విషయం తెలిసిందే. ఇక ఈ సీజన్లో ప్రముఖ స్టార్స్, పొలిటిషన్స్ పాల్గొని వినోదాన్ని పంచుతూనే తున్నారు. రీసెంట్ గా ప్రభాస్ కూడా బాలయ్య బాబుతో కలిసి అల్లరి చేసాడు. ఇక ఈ సీజన్ లో మోస్ట్ అవైటెడ్ ఎపిసోడ్ పవర్ స్టార్ పవన్ కళ్యాణ్ ఎపిసోడ్. ఈ ఎపిసోడ్ స్ట్రీమింగ్ కోసం కోట్ల మంది ప్రేక్షకులు ఎదురు చూస్తున్నారు. ఒకవైపు నందమూరి నటవారసుడు, మరో వైపు పవర్ స్టార్ పవన్ కళ్యాణ్ ఇద్దరూ ఒకే స్క్రీన్ పై కనిపించి ఆడియన్స్ కి వినోదాన్ని పంచనున్నారు.
ఇప్పటికే ప్రోమో ద్వారా ఈ ఎపిసోడ్ పై చాలా అంచనాలు పెరిగిపోయాయి. అయితే రీసెంట్ గా ఒక వార్త నెట్టింట హల్చల్ చేస్తుంది. అన్ స్టాపబుల్ సీజన్ 2 ముగియబోతుందని సమాచారం అందుతుంది. పవర్ స్టార్ దే ఈ సీజన్ కి లాస్ట్ ఎపిసోడ్ అని గుసగుసలు వినిపిస్తున్నాయి. బాలయ్య బాబు సినిమాల్లో బిజీగా ఉండడం, రాజకీయాల్లో ఆక్టివ్ గా పాల్గొనడం దీనికి కారణం అని తెలుస్తుంది. తాత్కాలికంగా ఈ షో సీజన్ 2 తో ఎండ్ అయినా, మరొక కొత్త సీజన్ తో అన్ స్టాపబుల్ సరికొత్తగా ప్రేక్షకుల మందికి రాబోతుందట. అయితే సీజన్ త్రీ కోసం మరికొన్ని రోజులు వెయిట్ చేయాల్సిందే.
