యష్ మూవీలో బాలీవుడ్ స్టార్ హీరో?
- Published By: techteam
- February 7, 2024 / 11:02 PM IST
కెజిఎఫ్ సిరీస్తో దేశ వ్యాప్తంగా క్రేజ్ సంపాదించుకున్నాడు కన్నడ యంగ్ హీరో యష్. కెజిఎఫ్2 తర్వాత చాలా గ్యాప్ తీసుకుని, తన తర్వాతి సినిమాను గీతూ మోహన్ దాస్ తో చేస్తున్నట్లు ప్రకటించాడు. టాక్సిక్ అనే టైటిల్తో తెరకెక్కుతున్న ఈ సినిమా గోవా బ్యాక్ డ్రాప్లో డ్రగ్స్ మాఫియా మీద నడవనున్నట్లు సమాచారం.
ఈ సినిమాకు రూ.300 కోట్లకు పైగా బడ్జెట్ అవుతుందని కన్నడ సినీ వర్గాలంటున్నాయి. ఈ సినిమా కోసం యష్ నిజంగానే గన్ షూటింగ్ నేర్చుకోవడంతో పాటూ ఎంతో కష్టపడి మేకోవర్ కూడా చేశాడు. టాక్సిక్ వచ్చే ఏడాది ఏప్రిల్ 10న రిలీజ్ కానుంది. అయితే ఈ సినిమా గురించి నెట్టింట ఓ ఇంట్రెస్టింగ్ న్యూస్ వినిపిస్తోంది.
టాక్సిక్ లో ఓ కీ రోల్ కోసం గీతూ మోహన్ దాస్ బాలీవుడ్ స్టార్ హీరో షారుఖ్ ఖాన్ ను సంప్రదించినట్లు తెలుస్తోంది. సినిమాలో ఈ పాత్ర చాలా ఇంపార్టెంట్ కావడంతో ఆ యాక్షన్ సీక్వెన్స్ ఎలివేట్ కావాలంటే షారుఖ్ రేంజ్ హీరో అవసరమని ఆయన్ను సంప్రదించిందట. గత కొన్నాళ్లుగా గెస్ట్ రోల్స్ కు దూరంగా ఉంటున్న షారుఖ్ ఈ సినిమా చేయడానికి అంతగా ఆసక్తి చూపించకపోవచ్చు. పఠాన్ లో చేసిన కారణఃగా సల్మాన్ కోసం టైగర్3 లో నటించి రుణం తీర్చుకున్నాడు కానీ కెరీర్ ఊపులో ఉన్న టైమ్ లో గెస్ట్ రోల్స్ చేసి టైమ్ వేస్ట్ చేసుకోడని ముంబై వర్గాలంటున్నాయి.
