Agni Awards 2025: మూవీస్, టీవీ, ఓటీటీలోని కొత్త టాలెంట్ ను ప్రోత్సహించనున్న “అగ్ని అవార్డ్స్ 2025”

అవార్డ్స్ ఇచ్చే సంస్థలు కొత్త వారికోసం ఒకటో రెండో కేటగిరీలు పెడుతుంటాయి. కానీ కొత్తవారి ప్రతిభను ప్రోత్సహించేందుకే ఎక్సిక్లూజివ్ గా పురస్కారాలు ఇవ్వబోతోంది “అగ్ని అవార్డ్స్ 2025” (Agni Awards 2025). ఇండియాలో తొలిసారి సినిమా, టీవీ, ఓటీటీల్లో ప్రతిభ చూపించిన న్యూ టాలెంట్ కు గుర్తింపు ఇస్తూ వారికి “అగ్ని అవార్డ్స్ 2025” అందించనున్నారు. ఈ నెల 30న విజయవాడలో జరగనున్న ప్రతిష్టాత్మక విజయవాడ ఉత్సవ్ లో ఈ అవార్డ్స్ ఈవెంట్ నిర్వహించబోతున్నారు.

బెస్ట్ డెబ్యూ హీరో, బెస్ట్ డెబ్యూ హీరోయిన్, బెస్ట్ డెబ్యూ డైరెక్టర్ తో పాటు ఇతర అన్ని విభాగాల్లో ఉత్తమ ప్రతిభ కనబర్చిన వారికి క్రియేటివ్ బ్రిలియన్స్, టెక్నికల్ మాస్టెరీ, మ్యూజిక్ అండ్ పర్ ఫార్మెన్స్ విభాగాల్లో అగ్ని అవార్డ్స్ 2025 అవార్డ్స్ అందిస్తారు. అగ్ని అవార్డ్స్ సొంతం చేసుకున్న విజేతలకు గోల్డెన్ టార్చ్ ట్రోఫీ బహూకరిస్తారు. సెలెబ్రిటీలతో కూడిన జ్యూరీ ఈ విజేతలను ఎంపిక చేయనుంది. అలాగే వారి గురించి స్టార్స్ చెప్పే మాటలు, రెడ్ కార్పెట్ కవరేజ్, లైవ్ మీడియా టెలికాస్ట్ ఉంటుంది. ప్రస్తుతం అగ్ని అవార్డ్స్ 2025 సంబంధించిన నామినేషన్స్ ప్రారంభమయ్యాయి.