భవిష్యత్ లో ఈ రంగంలో అపారమైన అవకాశాలు : మంత్రి శ్రీధర్ బాబు

ఆర్టిఫిషియల్‌ ఇంటెలిజెన్స్‌ రాకతో సాఫ్ట్‌వేర్‌ రూపురేఖలు సమూలంగా మారాయని, భవిష్యత్‌లో ఈ రంగంలో అపారమైన అవకాశాలు ఉంటాయని తెలంగాణ రాష్ట్ర  మంత్రి శ్రీధర్‌ బాబు అన్నారు. సైబర్‌ టవర్స్‌లో పీఎస్‌ఆర్‌ గ్లోబల్‌ డెలివరీ సెంటర్‌ టెక్‌ హబ్‌ను మంత్రి ప్రారంభించారు. ఈ సందర్భంగా శ్రీధర్‌ బాబు మాట్లాడుతూ ప్రస్తుతం దేశంలో సాఫ్ట్‌వేర్‌ రంగంలో రెండో స్థానంలో ఉన్న హైదరాబాద్‌ను మొదటి ర్యాంకుకు తీసుకెళ్లడమే తమ ప్రధాన లక్ష్యమని అన్నారు. జులైలో ఆర్టిఫిషియల్‌ ఇంటెలిజెన్స్‌పై సదస్సు నిర్వహిస్తామన్నారు. ఏఐ సిటీ కోసం 200 ఎకరాలు కేటాయించామని ప్రకటించారు. ఈ రంగంలో విస్తృత పరిశోధనలు, ఆవిష్కరణలను ప్రోత్సహిస్తామని తెలిపారు. సాఫ్ట్‌వేర్‌ పరిశ్రమను రాష్ట్రమంతా విస్తరింపజేసేందుకు ఐటీ సంస్థలు సహకరించాలన్నారు. స్కిల్‌ యూనివర్సిటీకి ఏర్పాటు చేసి పరిశ్రమ అవసరాలు తీరుస్తామన్నారు.