నిర్భయ దోషులకు మార్చి 20న ఉరి

నిర్భయ అత్యాచార కేసులో దోషులకు ఢిల్లీ పటియాలా హౌస్‍కోర్టు కొత్త డెత్‍వారెంట్లు జారీ చేసింది. మార్చి 20న ఉదయం 5:30 నిమిషాలకు నలుగురు దోషులను ఉరి తీయాలని కోర్టు ఆదేశించింది. తీహార్‍ జైల్లో దోషులను ఉరితీయానున్నారు. కాగా ఈ విధంగా డెత్‍వారెంట్లు జారీ చేయడం ఇది నాలుగోసారి. గత మూడుసార్లు దోషులను కోర్టులను ఆశ్రయించడంతో ఉరితీత వాయిదాపడిన విషయం తెలిసిందే. నిజానికి, ట్రయల్‍ కోర్టు ఫిబ్రవరి 17న జారీ చేసిన డెత్‍ వారెంట్‍ ప్రకారం నిర్భయ దోషులు నలుగురినీ మార్చి 3 ఉదయం ఆరు గంటలకు ఉరితీయాల్సి ఉంది. నలుగురు దోషుల్లో ఒకరైనా పవన్‍ గుప్తా రాష్ట్రపతి ముందు పెట్టుకున్న క్షమాభిక్ష పిటిషన్‍ పరిశీలనలో ఉండడంతో తదుపరి ఆదేశాలిచ్చే వరకు ఉరిశిక్షను నిలిపివేయాలని ఢిల్లీ కోర్టు ఆదేశించడంతో శిక్షను నిలిపివేశారు.